y
Reviews Blog
Reviews

SkinCeuticals

CE Ferulic

濃縮維他命CE Ferulic 精華
review-image
review-image
review-image
一直有用開Skin Ceuticals嘅Phyto Corrective精華，對呢個品牌好用信心，今次試用C E Ferulic精華更加令我喜出望外！ C E Ferulic係主打抗氧化嘅精華，針對改善衰老跡象，保護肌膚免受外來環境嘅傷害。 精華嘅質地係非常輕盈嘅油，流動性好高，容易吸收唔會厚重。 我使用嘅習慣係朝早洗臉後先用清爽形爽膚水抹臉，然後輕拍面部直到完全吸收。 呢個步驟非常重要㗎！尤其係之後要用成份濃縮嘅精華或者酸類產品，如果當塊臉仍然濕潤嘅時候就塗精華，有機會稀釋甚至改變酸鹼度，影響產品嘅效果? 我會將精華先滴喺手心，然後輕輕打圈推開，再印上塊面度，咁樣就完全唔會覺得油膩，而且令皮膚吸收得更快。薄薄印晒全臉之後，我會集中喺容易曬到嘅地方，例如顴骨、額頭，同比較暗啞嘅位置再薄薄印多一層，增強保護。 然後一定一定要搽防曬啊！ 唔記得搽防曬嘅話就會徒勞無功㗎喇！我平時習慣就算全日留喺屋企都會搽防曬，不過就揀啲SPF較低，PA 2-3個+嘅產品就夠，對皮膚負擔都比較細? 連續用5日之後，最令我驚喜嘅地方竟然係改善到皮膚出油嘅問題！完全冇諗過有呢個效果！ 我本身係外油內乾嘅混合肌，就算全日喺冷氣地方，T字位都會出油，臉頰就乾到脫皮☹️ 但係用咗呢款精華之後好神奇地減少咗出油嘅問題！我朝早淨係用爽膚水，C E Ferulic，同防曬，連定妝蜜粉都冇用過，過大半日都完全冇出油? 我覺得呢個效果同佢抗炎同埋促進膠原蛋白，維持毛孔緊緻嘅能力有關。 前後對比圖明顯見到我皮膚嘅光澤度有提升，而且痘痘都冇咁紅腫，色斑嘅地方慢慢減淡☺️ 呢款精華真係帶俾我好大驚喜，而且好啱妝前用。 混合肌同開始初老嘅肌膚一定要試試！

Clinique

Even Better Clinical™ Radical Dark Spot Corrector + Interrupter

升級版勻淨科研亮白淡斑雙效精華
review-image
review-image
review-image
2+
一見到Clinique出新嘅美白精華已經好想試，今次有機會試用真係好幸運❤️ 首先我自己皮膚係混合乾肌，臉頰容易脫皮（尤其係呢排戴口罩成日摩擦），T字位微微出油，有痘印同膚色不均問題，有時夜訓/特別攰嘅話臉色會暗黃。 呢枝精華嘅質地一擠出嚟係有少少流動性嘅半透明乳液，推開之後好快吸收，然後變成清爽輕微帶matte感嘅狀態。 我第一次用嘅時候喺塊臉邊緣嘅地方打圈按摩得太耐，結果有輕微搓泥嘅情況。所以我建議從臉的中心開始搽，可以先打圈令精華填入毛孔，跟住順方向輕輕推開。之後幾日我就冇再遇到搓泥嘅問題，皮膚吸收得好好，再搽防曬都ok。 最令我驚喜嘅地方係佢嘅補濕度同改善皮膚質感嘅能力，冇諗過一支美白精華可以有咁全面嘅效果? 對比使用前後，只係連續早晚用咗五日已經見到皮膚光澤度同平滑度有提升✨ 雖然咁短時間未見到痘印即時減淡，但係整體提亮嘅效果明顯，相信持續用就會改善到色素嘅問題！而且保濕度比一般美白精華高，基本上搽完佢之後加薄薄一層乳液就夠，仲冇令我出現任何暗粒粉刺。 我本身唔太鍾意質地偏濃稠嘅精華，一直用開嘅都係比較水狀，但係今次呢枝真係好有驚喜！有補濕度但係唔笠唔焗皮膚，就算搽喺甩皮嘅地方都冇刺激感，感覺好安心！好期待繼續用嘅效果❤️