c
Reviews Blog
Reviews

DECORTÉ

Moisture Liposome

保濕精華
review-image
review-image
質地清爽快吸收 油肌一定喜歡 香味淡雅 聞起來好舒服 我的鼻頭一向有乾燥痕癢的問題 就算係夏天都係咁 無論搽幾多保濕 鼻子都係keep住又紅又痕 但係搽咗呢支之後 居然全日都無再痕 用咗4日 真係4日都唔痕！

(MALIN+GOETZ)

Detox Face Mask

泡沫淨化排毒面膜
review-image
review-image
review-image
1+
睇完呢個面膜嘅簡介video，對佢充滿好奇，一於試下卸妝潔面前用。 倒出來係米色軟淋淋嘅乳霜，濃稠度介乎洗面奶同cream mask之間，有股清香嘅杏仁味。經摩擦後，乳霜表面竟然冒出好多綿密細小嘅泡泡。 因為簡介話面膜可以用來卸妝，我大膽地搽埋喺眼肚同眼皮位置，好在面膜質地較軟、性質溫和，沒有刺激到眼周肌膚。 因為覺得啲泡泡好得意，我忍唔住摸，聽到泡沫爆開發出清脆嘅沙沙聲，泡沫便積聚成較大嘅泡沫團，有了重量，感覺到佢哋慢慢向下滑。兩、三分鐘後，泡沫停止滑動，但無跌落過任何一滴。用手指一摸，面膜又變成慕斯狀。 前後敷咗五分鐘。用水清洗面膜時，面膜底層仍然係乳霜狀。我索性喺皮膚上打圈，當佢係洗面膏咁，因為畢竟佢唔係每寸皮膚都接觸到，未能卸去所有彩妝。 我又試下按摩眼皮位置，睇下是否能卸眼妝。結果有啲面膜入咗眼，感到刺痛，下次唔敢了 XD 眼妝應該用返眼部卸妝液⋯⋯ 洗走所有面膜後照一照鏡，估唔到連眼妝都乾淨哂！我再用卸妝水沾濕化妝綿抹面double check，果然無任何殘留化妝品。 抹乾面後，皮膚清爽而唔繃緊，深層清潔之餘仲十分保濕！

Nine Oriens

Magical Cleansing Oil

深。潔顏油
review-image
review-image
review-image
1+
用上面之前，先喺手做個實驗。 在手臂塗上Shu Uemura的eye primer，再用Shu嘅眼影和唇膏、Revlon眼線液、 RevitaLash的mascara呢幾樣出名持久產品畫幾筆。 倒少少油（睇下圖，真係用咗好少）落化妝棉，再喺手臂抹一下——唔需要印幾秒、唔需要重複抹——就將彩妝輕易抹走了！過埋水就乾淨哂。 用完上面，覺得涼浸浸，洗走油脂污垢之餘，唔會令皮膚乾燥繃緊。 美中不足係我唔鍾意佢陣味。但整體係好好用嘅！

Sassou Japan

Hydra Pure Aqua+ Eye Mask

水凝保濕緊緻眼膜
review-image
review-image
感謝she critique揀我參與試用，見呢款eye mask咁貴，自然帶住期待嚟試。首先令人驚喜嘅位係產品會照顧埋法令紋，一包4片，可以敷哂眼+法令紋，分開兩日敷眼又得。小妹一次過用哂4片，因為自己法令紋都幾深。 眼膜精華唔算特別多（有啲多到滴落臉頰），敷咗10分鐘開始feel到張紙乾乾地。拎落嚟嗰下既唔覺得皮膚掹掹緊，又唔黏笠，算吸收得唔錯。 老實講，感冒食藥都唔會即刻好返，黑眼圈同法令紋無咩明顯改變，但保濕功效唔錯，因為冬天皮膚特別乾，眼底會痕痕地，而家終於得到舒緩，幾refreshing。 如果聽日訓醒都可以keep到呢種感覺，呢款mask就真係值得長用?? (X田嗰啲雖然出名，但敷完都係咁乾....)