感謝she critique揀我參與試用，見呢款eye mask咁貴，自然帶住期待嚟試。首先令人驚喜嘅位係產品會照顧埋法令紋，一包4片，可以敷哂眼+法令紋，分開兩日敷眼又得。小妹一次過用哂4片，因為自己法令紋都幾深。

眼膜精華唔算特別多（有啲多到滴落臉頰），敷咗10分鐘開始feel到張紙乾乾地。拎落嚟嗰下既唔覺得皮膚掹掹緊，又唔黏笠，算吸收得唔錯。

老實講，感冒食藥都唔會即刻好返，黑眼圈同法令紋無咩明顯改變，但保濕功效唔錯，因為冬天皮膚特別乾，眼底會痕痕地，而家終於得到舒緩，幾refreshing。

如果聽日訓醒都可以keep到呢種感覺，呢款mask就真係值得長用?? (X田嗰啲雖然出名，但敷完都係咁乾....)