Reviews
“ 唔知點解呢度話停產咗,我嗰盒上兩個月先買。 咁我本身未用過火山泥mask,所以第一次想買隻最基本嘅款試吓,買呢隻mask之前我上晒外國網做research,幾乎個個都會話啲泥好快乾,要快啲用晒佢,所以我當面問BA姐姐呢隻泥會唔會好快乾,咁當然佢都答返我話應該係佢哋個蓋扭唔實啫,雖然我知係廢話不過都係買咗返屋企試用。 而事實上我好肯定我次次都扭到個蓋實一實,爭在未扭爆個樽,啲泥個consistency都已經開始變杰,我大概淨係用咗3~4次左右,搽上臉已經杰到好難推開,淨係搽咗半邊臉啲泥已經乾晒,做唔返第一次搽嗰種又creamy又平滑嘅感覺,我可以foresee到再用多幾次啲泥真係會變到硬晒。 咁講返個效果,首先收毛孔效果係有嘅,好多外國用家建議上mask之前做埋facial scrub會令深層清潔效果更好,咁facial scrub本身係會整到毛孔好大,但係我照做完再用咗呢隻mask之後毛孔仲細咗啲,呢點真係要讚。 而深層清潔效果就麻麻哋,我本身成日生黑頭粉刺同hormonal acnes,用完之後冇話特別有改善,要生都係會繼續生,生咗嘅都唔覺得有減少到,我畀埋我男朋友用佢反而仲生多咗粒瘡,佢仲同我講用完呢隻mask之後好快又出過油。 但係relatively speaking,呢隻mask用完真係唔會乾,我試過1個禮拜用4次,又或者每次敷成半個鐘,塊臉都冇話乾到扯住扯住,雖然清潔能力真係好低,不過對於乾肌、敏感肌人士嚟講可能用呢隻mask會啱啱好。 用完之後皮膚真係滑咗細緻咗,摸落好舒服好軟綿綿,不過佢真係做唔到深層清潔效果,所以我淨係會畀3分,期待將來會有機會試埋超級火山泥毛孔清潔緊實面膜2X。 ”
唔知點解呢度話停產咗,我嗰盒上兩個月先買。 咁我本身未用過火山泥mask,所以第一次想買隻最基本嘅款試吓,買呢隻mask之前我上晒外國網做research,幾乎個個都會話啲泥好快乾,要快啲用晒佢,所以我當面問BA姐姐呢隻泥會唔會好快乾,咁當然佢都答返我話應該係佢哋個蓋扭唔實啫,雖然我知係廢話不過都係買咗返屋企試用。 而事實上我好肯定我次次都扭到個蓋實一實,爭在未扭爆個樽,啲泥個consistency都已經開始變杰,我大概淨係用咗3~4次左右,搽上臉已經杰到好難推開,淨係搽咗半邊臉啲泥已經乾晒,做唔返第一次搽嗰種又creamy又平滑嘅感覺,我可以foresee到再用多幾次啲泥真係會變到硬晒。 咁講返個效果,首先收毛孔效果係有嘅,好多外國用家建議上mask之前做埋facial scrub會令深層清潔效果更好,咁facial scrub本身係會整到毛孔好大,但係我照做完再用咗呢隻mask之後毛孔仲細咗啲,呢點真係要讚。 而深層清潔效果就麻麻哋,我本身成日生黑頭粉刺同hormonal acnes,用完之後冇話特別有改善,要生都係會繼續生,生咗嘅都唔覺得有減少到,我畀埋我男朋友用佢反而仲生多咗粒瘡,佢仲同我講用完呢隻mask之後好快又出過油。 但係relatively speaking,呢隻mask用完真係唔會乾,我試過1個禮拜用4次,又或者每次敷成半個鐘,塊臉都冇話乾到扯住扯住,雖然清潔能力真係好低,不過對於乾肌、敏感肌人士嚟講可能用呢隻mask會啱啱好。 用完之後皮膚真係滑咗細緻咗,摸落好舒服好軟綿綿,不過佢真係做唔到深層清潔效果,所以我淨係會畀3分,期待將來會有機會試埋超級火山泥毛孔清潔緊實面膜2X。
“ 首先呢支essence真係超大支,我用咗大半年都仲未用得晒。佢texture係水狀質地,基本上推幾吓拍幾吓就已經吸收晒,不過我會建議你每次用嘅份量唔好太多,因為用得太多反而會令皮膚索唔晒啲精華,從而令後續精華唔吸收,我大概每次倒3~4次嘅份量就已經夠搽晒塊臉同條頸,拍到佢索晒之後再上精華真係會易吸收咗好多,覺得佢會將精華扯落皮膚入面,次次用oil based嘅精華我都一定要用咗佢先,咁塊臉就唔會feel到有層油舖喺面覺得唔舒服。我最鐘意佢夠薄同埋成份加咗金盞花,有時就算塊臉生咗暗瘡搽佢都唔會令暗瘡惡化,保濕效果都唔差,Jurlique啲products真係未試過會中伏。 ”
首先呢支essence真係超大支,我用咗大半年都仲未用得晒。佢texture係水狀質地,基本上推幾吓拍幾吓就已經吸收晒,不過我會建議你每次用嘅份量唔好太多,因為用得太多反而會令皮膚索唔晒啲精華,從而令後續精華唔吸收,我大概每次倒3~4次嘅份量就已經夠搽晒塊臉同條頸,拍到佢索晒之後再上精華真係會易吸收咗好多,覺得佢會將精華扯落皮膚入面,次次用oil based嘅精華我都一定要用咗佢先,咁塊臉就唔會feel到有層油舖喺面覺得唔舒服。我最鐘意佢夠薄同埋成份加咗金盞花,有時就算塊臉生咗暗瘡搽佢都唔會令暗瘡惡化,保濕效果都唔差,Jurlique啲products真係未試過會中伏。