首先呢支essence真係超大支，我用咗大半年都仲未用得晒。佢texture係水狀質地，基本上推幾吓拍幾吓就已經吸收晒，不過我會建議你每次用嘅份量唔好太多，因為用得太多反而會令皮膚索唔晒啲精華，從而令後續精華唔吸收，我大概每次倒3~4次嘅份量就已經夠搽晒塊臉同條頸，拍到佢索晒之後再上精華真係會易吸收咗好多，覺得佢會將精華扯落皮膚入面，次次用oil based嘅精華我都一定要用咗佢先，咁塊臉就唔會feel到有層油舖喺面覺得唔舒服。我最鐘意佢夠薄同埋成份加咗金盞花，有時就算塊臉生咗暗瘡搽佢都唔會令暗瘡惡化，保濕效果都唔差，Jurlique啲products真係未試過會中伏。