Reviews Blog
Reviews

Yves Rocher

Anti-wrinkle plumping cream

膠原寒冰花日霜
review-image
review-image
review-image
天氣時凍時暖，皮膚適應唔到又容易乾燥甩皮，加上年紀漸長，feel到膠原蛋白慢慢流失，皮膚無以前咁緊緻嫩滑?今次好開心收到嚟自法國No.1天然個人護理及護膚品牌 Yves Rocher匠心打造嘅全新膠原寒冰花日霜試用，成個膠原寒冰花系列係特別為28歲以上嘅輕熟肌而設，幫助擊退皮膚初老問題。 主打優質頑強特別成分 其實市面上都有唔少產品係為輕熟肌而設，咁呢款產品有咩特別之處？主打就係高濃度寒冰花活性成分，呢種成分原產自南非沙漠地區，本身擁有頑強生命力，另外採用埋攞咗專利嘅「植物冷萃取技術」將成分功效發揮至極，有效激活皮膚入面嘅膠原蛋白增生及透明質酸自生，有十足功效對付到啲皺紋、笑紋、虎紋之類，平時我唔太鍾意笑就係因為容易有紋！今次有咗呢款產品之後，可以笑返多啲? 質地易吸收 配合按摩手法更佳 通常呢類產品質地都會比較厚身難吸收，但出乎意料係佢質地偏厚身，但吸收得好快，一搽上面再加埋簡單按摩手法就好快吸收到，皮膚即時飲飽水咁，同埋我自己會用埋落頸，感覺一啲都唔黐笠笠，完全唔會黐頭髮！有興趣嘅姐妹不妨試一試，個人私心重點推介要配合簡單按摩，吸收完嘅效果係有光澤感㗎（滾動！）

fresh

Kombucha Facial Treatment Essence

紅茶酵素抗氧精華水
review-image
review-image
review-image
其實我自己幾鍾意Fresh嘅品牌理念，將古法美容配方結合高端技術，主打天然植物為原材料，我自己係幾buy呢個concept～所以收到FRESH紅茶酵素抗氧精華水試用，我係超興奮！ 我自己習慣用任何護膚品都會做Research，確保了解清楚先會用上面！今次FRESH紅茶酵素抗氧精華水主要成分係「尼泊爾金芽茶葉」，仲要係喺喜馬拉雅山經人手一年四次採摘，可想而知原材料有幾咁珍貴，配合獨家雙重發酵，令到抗氧分子變到超級微細，咁樣先可以快速滲透落肌底，真正由肌底改善膚質，同時提高皮膚防禦力，24小時無間斷保護我哋嘅肌膚！同時，糅合埋透明質酸、蒿花萃取成分可以令皮膚更加Q彈，並且改善膚色不均！ 我用完之後，最大感受係佢嘅質地十分輕薄，好易吸收，同埋用落有淡淡茶氣，聞落好舒服，同出面一啲香精味好重嘅護膚品係兩種感覺。有時我會攞綿花濕敷上面，都明顯見到啲細紋淡咗，補濕度唔錯！用完之後我諗都會回購！Nice～

Eoyunggam

Imperial Korsecret Powering Cream

皇御秘方活養面霜
review-image
review-image
review-image
人愈大，膠原蛋白就會開始流失，皮膚容易變得粗糙、無光澤，加上秋冬天氣，皮膚水分流失得好快，容易變到好乾！今次收到韓國宮廷級品牌御容鑑皇御秘方活養精華以及皇御秘方活養面霜嘅試用，睇返資料原來呢個系列係專門針對老化肌膚問題研發，採用古老韓國配方，揉合紫雲膏和天王補心丹呢類珍貴中草藥材，能夠深層滋潤肌膚，有效抑制彈性蛋白酶達26.5%，幫助緊緻肌膚，好啱熟齡肌膚使用！ 兩款產品聞落都好香人蔘味，全因為加入咗高濃度3倍金人蔘成分，而呢種成分萃取係嚟自全球僅佔1%產量嘅稀有6年人蔘，真係好用心！搽上面，配合簡單按摩手法仲好易吸收，完全唔覺黐笠！用咗7日之後，我覺得塊面無咁乾，而且啲細紋都淡咗，效果比我想像中好！兩款夾埋一齊用，感覺效果更加好！如果靚靚們有乾燥、熟齡肌衍生嘅皮膚問題，不妨一試！

Eoyunggam

Imperial Korsecret Powering Serum

皇御秘方活養精華
review-image
review-image
review-image
人愈大，膠原蛋白就會開始流失，皮膚容易變得粗糙、無光澤，加上秋冬天氣，皮膚水分流失得好快，容易變到好乾！今次收到韓國宮廷級品牌御容鑑皇御秘方活養精華以及皇御秘方活養面霜嘅試用，睇返資料原來呢個系列係專門針對老化肌膚問題研發，採用古老韓國配方，揉合紫雲膏和天王補心丹呢類珍貴中草藥材，能夠深層滋潤肌膚，有效抑制彈性蛋白酶達26.5%，幫助緊緻肌膚，好啱熟齡肌膚使用！ 兩款產品聞落都好香人蔘味，全因為加入咗高濃度3倍金人蔘成分，而呢種成分萃取係嚟自全球僅佔1%產量嘅稀有6年人蔘，真係好用心！搽上面，配合簡單按摩手法仲好易吸收，完全唔覺黐笠！用咗7日之後，我覺得塊面無咁乾，而且啲細紋都淡咗，效果比我想像中好！兩款夾埋一齊用，感覺效果更加好！如果靚靚們有乾燥、熟齡肌衍生嘅皮膚問題，不妨一試！

NAUNI

Double Repair Lifting Force Mask

雙重修護抗皺面膜
review-image
review-image
review-image
入到秋冬，皮膚好易乾燥，每日除咗用補濕精華外，仲要按時補擦好多Cream，無辦法啦～要Keep住皮膚靚靚就要落啲功夫！今次好開心收到聽講喺香港熱賣嘅韓國NAUNI 雙重修護抗皺面膜試用，一盒有10塊，要試試係咪做到補水緊緻先！ 按返我性格，用上面嘅任何Products一定要做好Research，睇返產品成分，見到面膜含有多種肽和腺苷嘅緊緻配方，能夠延緩肌膚老化之餘，仲可以緊緻返面部輪廓，最最緊要係預防細紋、皺紋產生，加上多種花精華提取物和積雪草，可以喺皮膚表面形成保護層，對抗外來污染物，仲有效修復肌膚，配合維他命B5和甜菜鹼，幫皮膚加強補濕！ 咁我用完一塊之後發現皮膚水嫩有光澤咗，無咁乾，已經好幫到我呢位「缺水」人士，Haha～至於緊緻效果可能要用多幾盒先見到效果，但以補濕嚟講我都十分滿意啦！另外，有興趣朋友仔可以試下敷完之後再配合簡單按摩手法，幫助吸收，效果更好！

Nivea

NIVEA Q10 Anti-Wrinkle Expert Dual Action Serum

NIVEA Q10全方位抗糖抗皺精華
review-image
review-image
review-image
1+
貪靚妹豬都知攝取過量糖份會加速皮膚老化，引致肌膚「糖化」，衍生皺紋、皮膚暗沉等問題，所以我一向好少攝取糖份！！！不過，有時班姐妹生日，或者要應酬High Tea，緊係唔少得甜品助陣啦，但食完又驚皮膚爆多兩粒瘡，真係心大心細呀！ 好彩俾我搵到NIVEA Q10全方位抗糖抗皺精華，做完Research發現入面含有高濃度Q10，糅合專利成份狙糖因GLYCOSTOP™，唔單止做到淡紋功效，仲可以防止新皺紋產生，充分幫手抗「糖化」。收到之後試用一星期，都見到平時一笑就現形嘅笑紋淡咗，而且皮膚無咁暗黃，Keep住早晚用，配合超簡單按摩（個人獨創Haha），發現皮膚又白淨咗，額頭啲細紋又淡咗，效果都幾驚喜！ 最重要係我平時用佢做精華打底再用其他面霜，用之前都會諗質地會唔會厚重，但用落發現質地清爽不黏笠，吸收得好快，而家仲Keep住用緊，用完都要考慮入手多一支了～

Eoyunggam

Youth Vitality Ageless Eye Serum

滋氧煥顏逆齡眼部精華
review-image
review-image
皮膚點靚都好，眼睛無神或者眼周肌膚出現黑眼圈、眼袋、眼紋等問題，就好容易顯得老態，所以平日一定要Take Care眼周肌膚！今次收到御容鑑滋氧煥顏逆齡眼膜同滋氧煥顏逆齡眼部精華兩款試用產品，一於要試一試！ 試用滋氧煥顏逆齡眼膜時，都聞到好大陣人蔘味，因為當中含有稀有金人蔘精華，幫助抗氧同增強皮膚彈性，加埋亮眼配方CYTOBIOL™、桂圓萃取等成分，幫助消除浮腫、黑眼圈，仲有改善細紋！我個人幾鍾意眼膜設計，敷上眼周好貼服，而且我邊敷邊做嘢，好方便，加上精華都多，擔心吸收唔到可以再添啲精華係Eye Mask度！ 敷完15分鐘，再用氧煥顏逆齡眼部精華可以加乘淡紋、緊緻、去眼圈等問題，一擠上手同樣聞到好大陣人蔘味，除咗金人蔘精華，仲加咗東方御茶複合物、金黃洋甘菊萃取等成分，有助撫紋，鎮靜受刺激肌膚等。 用完感覺唔錯，主要因為質地清爽，唔會好黐笠笠，始終眼周肌膚好薄弱，質地厚重好易生油脂粒！個人建議由於眼周肌膚薄，任何用上眼嘅產品可以先喺脈搏位放少少精華等幾個字，如果無發紅或敏感就可以用上眼啦～

Eoyunggam

Youth Vitality Ageless Eye Mask

滋氧煥顏逆齡眼膜
review-image
review-image
皮膚點靚都好，眼睛無神或者眼周肌膚出現黑眼圈、眼袋、眼紋等問題，就好容易顯得老態，所以平日一定要Take Care眼周肌膚！今次收到御容鑑滋氧煥顏逆齡眼膜同滋氧煥顏逆齡眼部精華兩款試用產品，一於要試一試！ 試用滋氧煥顏逆齡眼膜時，都聞到好大陣人蔘味，因為當中含有稀有金人蔘精華，幫助抗氧同增強皮膚彈性，加埋亮眼配方CYTOBIOL™、桂圓萃取等成分，幫助消除浮腫、黑眼圈，仲有改善細紋！我個人幾鍾意眼膜設計，敷上眼周好貼服，而且我邊敷邊做嘢，好方便，加上精華都多，擔心吸收唔到可以再添啲精華係Eye Mask度！ 敷完15分鐘，再用氧煥顏逆齡眼部精華可以加乘淡紋、緊緻、去眼圈等問題，一擠上手同樣聞到好大陣人蔘味，除咗金人蔘精華，仲加咗東方御茶複合物、金黃洋甘菊萃取等成分，有助撫紋，鎮靜受刺激肌膚等。 用完感覺唔錯，主要因為質地清爽，唔會好黐笠笠，始終眼周肌膚好薄弱，質地厚重好易生油脂粒！個人建議由於眼周肌膚薄，任何用上眼嘅產品可以先喺脈搏位放少少精華等幾個字，如果無發紅或敏感就可以用上眼啦～

Nivea

Nivea Luminous630 Anti-Age & Dark-Spot Serum

Nivea LUMINOUS 630 雙效淡斑抗皺精華
review-image
review-image
review-image
我本身好鍾意曬太陽，搞到塊面會有啲斑...不過由於唔算太明顯，我都無特登去處理?今次試用Nivea LUMINOUS 630雙效淡斑抗皺精華，想睇睇啲斑斑會唔會減淡到? 擦上面嚟講我都會幾謹慎，所以都會research成分同埋功效，見到敏感肌都啱用，都放心咗一半，之後見到內含LUMINOUS 630專利成分，有效阻截黑色素形成，同埋減淡黑色素，加埋有保濕功效嘅透明質酸同膠原蛋白激活精萃，唔會擔心用完皮膚好乾，而且皮膚仲會Q彈咗！ 對我嚟講，美白最緊要係做到膚色均勻、淡印淡斑，同埋唔會刺激或敏感，因為坊間好多時用果酸美白可能帶有刺激性，對皮膚敏感嘅人嚟講可能會有啲Heavy，所以揀嗰陣都要好謹慎！今次產品用咗幾日都見到膚色白淨咗，用上面都唔覺得笠，仲好快吸收，個人都幾鍾意嗰種清爽質感！希望用耐啲，會見到更好嘅效果！

Nivea

Nivea Waterproof Eye Make-Up Remover

極淨深層眼部卸妝液
review-image
review-image
除咗畫眼線同眼影，我都用開睫毛液，所以卸眼妝一定會卸得好仔細??擔心卸得唔乾淨會搞到眼周肌膚變差。 我想講呢支Nivea極淨深層眼部卸妝液真係好好用，卸得好快仲要唔揦眼✨因為以前用過啲牌子嘅卸妝水係會揦眼，所以之後再揀卸妝水都會謹慎好多?同埋卸妝時間都快咗好多，輕輕抹兩抹就卸得乾淨，唔駛捽幾次?起碼啲眼睫毛甩少兩條先? 其實我用之前都有再睇多次網上啲資料?因為之前中過伏，今次會小心啲唔想再揦眼?見到經過皮膚科、眼科醫師評估認證，就算敏感肌都啱用，而且入面有維生素B7睫毛強韌配方，幫助強化睫毛健康，避免脫落～加埋矢車菊萃取，補濕之餘仲可以減淡眼周啲細紋！卸妝得嚟仲有護膚功效?都幾心動? 而且我平時戴開con，次次卸妝前都會除咗con先，但今次無除照卸都無咩大問題?都幾方便！雖然係眼部卸妝液但我照卸埋唇膏都一樣得！懶人做法??真心推介畀啲敏感肌又唔想中伏買到揦眼卸妝液嘅朋友仔呀?