除咗畫眼線同眼影，我都用開睫毛液，所以卸眼妝一定會卸得好仔細??擔心卸得唔乾淨會搞到眼周肌膚變差。

我想講呢支Nivea極淨深層眼部卸妝液真係好好用，卸得好快仲要唔揦眼✨因為以前用過啲牌子嘅卸妝水係會揦眼，所以之後再揀卸妝水都會謹慎好多?同埋卸妝時間都快咗好多，輕輕抹兩抹就卸得乾淨，唔駛捽幾次?起碼啲眼睫毛甩少兩條先?

其實我用之前都有再睇多次網上啲資料?因為之前中過伏，今次會小心啲唔想再揦眼?見到經過皮膚科、眼科醫師評估認證，就算敏感肌都啱用，而且入面有維生素B7睫毛強韌配方，幫助強化睫毛健康，避免脫落～加埋矢車菊萃取，補濕之餘仲可以減淡眼周啲細紋！卸妝得嚟仲有護膚功效?都幾心動?

而且我平時戴開con，次次卸妝前都會除咗con先，但今次無除照卸都無咩大問題?都幾方便！雖然係眼部卸妝液但我照卸埋唇膏都一樣得！懶人做法??真心推介畀啲敏感肌又唔想中伏買到揦眼卸妝液嘅朋友仔呀?