F
Reviews Blog
Reviews

Bioderma

Matricium

注活細胞能量昇華水 (再生水)
review-image
review-image
review-image
2+
本身我嘅膚質係乾性皮膚，但如果護膚產品比較潤身，又會容易生油脂粒，所以要揀一啲保濕度高但比較清爽嘅產品。 今次試用嘅Bioderma Matricium 注活細胞能量昇華水（再生水）正正符合我皮膚嘅需求。 相信大家對Bioderma 卸妝水一定唔會陌生，同樣地再生水都係紅色包裝，一盒入面有5支獨立包裝嘅再生水，感覺保鮮，細細支，出街或者去旅行用都好方便! 包裝上面有指示如果一次用唔囇一支，可以蓋返12小時內用都可以架！ 急不及待打開第一支再生水，質地係比較水狀，由於我皮膚偏乾，我每次都會用一支,但建議大家使用時要小心，唔好流到周圍都係呀 XD 輕輕咁分section拍上面，然後慢慢按摩，等皮膚逐啲逐啲吸收！頭幾日用，我嘅皮膚係殊一聲就吸收曬，證明我真係好dry! 用咗幾日，可能皮膚有所改善，吸收速度無之前咁誇張，但都係容易被皮膚吸收，會感覺到皮膚變得水潤但又唔會笠痴痴，真心幾喜歡佢嘅質感。 由於我皮膚乾燥，所以比較暗啞同埋好多細紋，連續用咗一星期，我覺得皮膚細嫩度比之前高咗，乾紋有頗明顯嘅改善，另外感覺細胞飽滿咗，好似飲完水咁令皮膚更有光澤。平時有化開妝嘅我可能到晏就啲細紋會走出嚟，個妝比較易浮粉，用咗再生水後上妝比之前貼服同持久。 綜合嚟講，我覺得再生水滲透力、保濕度都幾高，適合乾性皮膚嘅女仕，有時我使用家用射頻美容儀，做完後皮膚會比較乾，之後我會搽再生水，感覺有舒緩皮膚繃緊嘅情況。