我好鍾意一搽上頭皮, 會有清涼的感覺, 好 refreshing。起泡容易, 泡質都細密, 洗完頭後覺得頭皮好清爽, 都唔會再痕。

我在日本買過, 同時又在香港回購, 我覺得日本版的用後感覺好些, 感覺無咁笠。可能我係油性頭皮, 所以成日用會覺得頭髮好笠, 但係髮絲會好柔順, 所以我只會間唔中用下。

質地都幾 creamy, 用左之後頭髮係順滑左, 無咁易打 kick, 但係價錢有少少貴。

每次當我塊面有暗瘡, 就會搽少少 Gel Plus 在上面, 等佢 10-15mins 就清洗, 第二日粒暗瘡就開始謝, 我覺得對付唔嚴重的暗瘡效果好好。

只不過搽上面會覺拿拿地, 吉吉地, 不過呢 d 感覺都好快無左, 所以唔駛擔心。

不過由於我皮膚薄, 所以美容師建議我剩係用在 T 字位, 因為 T 字位的角質比較厚, 可以一星期搽一次。我 keep 住一星期用一次, T 字位無以前咁暗啞, 用護膚品都容易吸收些。

原來平價護膚品, 都有不錯的產品, Olay Regenerist Micro-Sculpting Super Cream 就係其中一件。其實部分 Olay 的產品都幾好, 效果和貴價產品相差無幾。可能我年紀大, 呢隻 cream 對於我黎講又唔笠, 少少潤但又好快吸收, 減淡細紋和虎紋的效果仲唔錯添~

好 like 搽完塊面唔會馬上乾透, 感覺好舒服, 洗左之後皮膚又唔會繃緊。清潔效果不俗, 面油係少了。價錢都算係幾抵買, 一罐可以用三四個月, 如果係 tube 裝既話就更好啦, 用起上黎就更衛生啦。

係我用過咁多隻防曬乳之中, 最透薄清爽的一支! 質地真係好薄, 一 d 都唔笠唔焗, 而且防水防汗。之前我在舊公司做都有搽, 間公司勁多射燈, UV 勁強, 不過塗左 Sofina 的防曬之後, 一路都無出新斑, 所以我覺得防曬功能真係好 work!

抺得好堅乾淨, 連 BB cream, foundation 等都抹得超乾淨, 又無油份, 好鍾意, 係爭在 mascara 抺唔甩。