D
Reviews Blog

Reviews

SK-II

PITERA™ Full Line Trial Kit

PITERA™體驗套裝
review-image
review-image
review-image
5+
神仙水呢個名真係由細聽到大，終於到試佢嘅時候喇！試咗佢一排真係不得不讚神仙水嘅魔力，面部係比以前細滑左，成個膚色望落去係均勻左，配合埋佢嘅洗面膏，首先將污糟野帶走左，之後嘅產品都明顯比平時吸收，最後再用埋r.n.a. 面霜做最後鎖水保濕收細毛孔，最近我真係離唔開呢三樣法寶！

Make Up For Ever

Ultra HD Concealer

超高清無瑕遮瑕液
review-image
review-image
我主要用 Ultra HD Concealer 超高清無瑕遮瑕液遮黑眼圈同暗瘡印。 首先要講下我自己個黑眼圈先， 我由細到大黑眼圈就已經好深色， 搽粉底 都一定要再用遮瑕膏遮黑眼圈。用過好多種唔同的遮瑕膏或者遮瑕液， 用埋調色都係遮唔好我個千年黑眼圈。 一係就太厚重，一係就遮唔到黑色素，一係好易出乾紋，好彩 係我已經好氣餒的時候就遇上Ultra HD Concealer 超高清無瑕遮瑕液！ 用尼一支就已經搞掂左個千年黑眼圈， 由於佢係遮瑕液，所以搽上眼感覺上唔會好厚重反而好自然又好容易推開。雖然佢只係遮瑕液，但係遮瑕度足夠。 用佢尼遮其他小瑕疵例如暗瘡，暗瘡印，紅印就更加輕而易舉， 而且 有多色選擇可以選擇淺色做 highlight ， 非常之方便。

KATE

KATE V LONG LASH

激長幻真睫毛膏
review-image
review-image
我十分推介激長幻真睫毛液，因為我自己啲睫毛本身唔算非常濃密，但係用左佢之後又長又濃密，唔會望落好假，因為佢長得來係自然，而且有好自然好迷人嘅曲度，非常之適合我呢啲鍾情真嘅長又曲眼睫毛。

KATE

KATE DIGITAL MEMORY LINER

艷黑記憶眼線筆
review-image
review-image
review-image
我好鍾意艷黑記憶眼線筆, 因為我畫眼線好鍾意畫得比較實色，佢顯色度非常之高用咗成日都唔會溶妝，仲保持得非常好好似啱啱出街咁，而且粗幼可以控制得好好非常之適宜，無論新手定係化妝高手都非常之適合使用。