B
Reviews Blog

Reviews

RevitaLash®

RevitaLash® Eyelash Conditioner

激活美睫增生精華
4+
由於天生睫毛較直，要keep住一個月左右電一次眼睫毛，搞到睫毛好傷，經常掉落，搞到越黎越稀疏。 一直都無使用睫毛增生精華，一來貴，二來懶，夜晚護膚程序已經好多，仲要再搽睫毛精華，實在好難堅持！ 呢枝RevitaLash Eyelash Conditioner又幾方便，個頭唔係睫毛掃，而係似眼線液，鏡都唔洗照，喺眼線位畫一下就okay，提供足夠既養份俾睫毛根部，生得快d，睫毛就自然又長又濃密啦！ 我眼眉後半部較淡，有時會搽埋眼眉添！ 不過密密用，1ml好快就用哂喇~

Urban Decay

Eyeshadow Primer Potion

眼影底霜
5+
第一次使用Urban Decay既產品，好開心有一套四款既試用，可以配合不同場合！Original最簡單，適合平日使用，Eden適合偽素顏用，配合啡色眼影，啞色唔會過份搶眼，Minor Sin帶有閃閃，最啱放假用，回頭率超高！Anti-aging就...留番俾媽咪幫我試啦！ 要試當然係試左Original先，咁先試得最真嘛！雖然係試用裝，但個量有好多！因為我平日無使用primer既習慣，所以浪費左好多>< 相信其他雙眼皮既女仔都會遇到同一個問題，眼皮上既化妝品一定會喺雙眼皮線度積聚，而我係嚴重到上完底妝，準備化眼妝，都已經會有一條粉底線，左上無用到primer繼續有粉底線，右上有塗上primer，感覺眼周膚色均勻左=)用埋眼影膏，左下無咁上色，右下上色d！原來薄薄一層primer都有咁大作用，等我仲以為會搽多d野，就會積多d添，我要改下我既習慣嚕~

Fancl

Mild Cleansing Oil

MCO 納米卸妝液
3+
平時卸妝係用紅水，因為我怕用油，同貪佢夠方便，喺梳妝枱都卸到，唔洗對住洗手盆，但防水化妝品會卸得唔夠徹底！ 呢枝雖然叫cleansing oil，但質地水水似啫喱，一d都唔油，對油反感既我唔會抗拒佢！ 我喺手上左粉底，再畫左我常用既化妝品，由上至下係1.防水眼線液 2.防水眼線筆 3.銀白眼線液 4.眼影膏 5.眉粉 6.眉筆。 塗上MCO納米卸妝液之後打兩三個圈，非防水化妝品已經甩哂，再捽多幾下，只淨番防水眼線液有少少印，沖水之後，連印都無埋，快捷方便！ 用完之後都唔會乾，反而比平時變得較有光澤，令我心心眼，紅水既地位被威脅喇！

Peter Thomas Roth

Cucumber Gel Mask

青瓜舒緩保濕面膜
我既皮膚只要用左唔適合既護膚品，就好易泛紅出粒粒，之後再搽乜都無用，只會覺得焗住，但係用左青瓜舒緩保濕面膜又okay咼！可以退左少少紅，而且因為佢係清洗式既，使用後唔會痴笠笠，拍番爽膚水同搽乳液就得，肌膚舒服又清爽！

NeoStrata

Gel Plus

更生活膚啫喱面膜
2+
第一次用含果酸既護膚品，因為我皮膚較薄，使用較刺激既產品會敏感泛紅，所以一直唔會買，趁今次機會挑戰一下！ 用附上既面膜掃，可以均勻咁塗抹面膜，日後其他面膜都可以用佢！ 搽上面既時候，搽到有損傷或暗瘡位置會刺痛，一定要避開！搽完stay10-15分鐘再用濕面巾抹走，肌膚即時變得有光澤，而且毛孔收細左=)

Caudalie

Vinoperfect Radiance Serum

葡萄蔓極緻完美精華液
1+
葡萄蔓極緻完美精華液有幾完美？只需要一枝就可以改善多種肌膚問題，膚色、彈性、輪廓一次改善！ 最鐘意佢既質地，水水唔黏笠，好易推易吸收，用完唔會有黏稠感覺，唔影響後續護膚品！ 連續用左幾日，膚色未有改善(因為啱啱去完泰國曬太黑)，但皮膚細紋少左，感覺細胞飽滿左=)而且退紅效果一流！

Make Up For Ever

Ultra HD Concealer

超高清無瑕遮瑕液
早前參加make up for ever既workshop，有幸試用多款產品，印象最深刻既就係超高清會瑕遮瑕液，因為化妝師幫我遮我既陳年黑眼圈，而且佢既設計獨特，幼幼既瓶身容易上手，輕輕就可擠出遮瑕液。雖然係水狀，但獨有4K Complex，遮瑕度絕對唔輸蝕！而且有透明質酸成份，用完唔會出乾紋，好適合用喺眼周！ 配合埋超高清無瑕粉底液，所有瑕疵都唔可以現形！

SUR PUR

Repairing Face and Neck Cream Mask

白鑽修復面膜
與其話佢係面膜，不如話佢係面霜，質地都似面霜多啲，sample size 3ml用一次啱啱好！薄薄敷喺面上，十分鐘左右，就會變透明，好似油油咁，等多一陣，就用toner整濕化妝棉抹走，敷完除左有光澤啲之外，好似無乜大改善，可能用一次始終功效不大>

SK-II

Facial Treatment Oil

護膚精華油
4+
SK-II唔係得神仙水架！！最出名的確係神仙水，但原來精華油都好正架！ 一打開見到水油分開，38.2:61.8既黃金比例，唔會太油～ 樽口好特別，但我唔明呢個設計，係唔易漏，不過同時好難倒出黎～ 呢排天氣忽冷忽熱，皮膚變得好乾，呢枝精華油就黎得合時啦！ 夜晚洗完面之後拍拍爽膚水就可以用，搽完果一刻有少少油，但過一陣就吸收，皮膚好滋潤！ 我有時會DIY面膜，自己用精華液浸透壓縮面膜，加上SK-II精華油，效果更加好呢～

Shu Uemura

Stage Performer BB Perfector Skin Smoothing Beauty Cream

瞬間亮肌BB霜 SPF30 PA++
4+
用過Shu Uemura既泡沫底霜，感覺麻麻，容易出油同浮粉，但呢枝bb霜唔錯，好適合日常使用。 遮瑕效果一般，可以遮到紅印，但我既萬年黑眼圈就唔得喇~最驚喜係唔會油，有少少啞光質地，眼皮位置會積聚，只要掃少少碎粉就okay！另外因為佢無閃粉，唔會太浮誇！ 平日要化妝，只要遮遮黑眼圈，用bb cream再加碎粉就可以輕易完成底妝，仲有SPF30 PA++防曬，啱哂我呢個懶人！

SK-II

SK-II Facial Treatment Essence

SK-II護膚精華 (神仙水)
1+
SK-II神仙水真係由細聽到大，不經不覺我都到左要用神仙水既年紀啦！ 佢既成份相信都唔需要多講啦，有超過90%Pitera，喺電視都聽得多喇！功效都係果啲啦，減淡細紋、色斑，皮膚更細滑、緊緻、有光澤，簡單啲講即係所有女人都需要既抗•衰•老！ 抗衰老唔係一時三刻就睇到效果，係咪真係可以keep住肌膚晶瑩剔透呢？我要十年後先驗證到！但係用左幾日，皮膚感覺唔錯，好吸收，唔會刺激我皮膚，而且朝早起身毛孔無以前咁大，同埋少左出油~唔理佢既長期效果，淨係睇即時效果都已經值得去使用！

Vichy

Idealia Life Essence

理想新肌嫩膚精華
有幸試用Vichy Idealia Life Essence理想新肌嫩膚精華同Idealia Cream理想新肌面霜，佢標榜只要用1個月，就可以有效緊緻毛孔、均勻膚色同令肌膚回復潤澤飽滿，真係岩哂我呢d膚色不均既輕熟女！ 理想新肌嫩膚精華質地較水，洗面同拍爽膚水後使用，塗上面好快就被吸收，而且清爽唔油膩，就算夏天都岩用！ 而理想新肌面霜可以將精華鎖住，其中既黑茶酵母（Kombucha）可以抗衰老，減淡幼紋。 我最鐘意佢地用後不黏笠，可以令深層既細胞飲飽水，而唔係只係封o係表面！細胞飲飽水，自然會有亮白效果，而且毛孔同幼紋都得以改善！