公主般的價錢, 神仙一樣的功效
老老實實, 我係未用過skii 的產品, 因為佢ge價錢實在太.....高貴, 非我等平民能負擔, 所以今次有得試用都真係幾開心, 好似年尾中左個bonus咁呀!
講返枝product, 我一打開都有少少驚訝, 點解好似makeup remove咁ge? 攪到我即刻睇返個盒, 寫住facial treatment oil我先放心。佢上層係由多種天然精華油混合而成, 當中包括可可巴油, 牛油果油, 橄欖油, 米糠油等, 而在成份表中排最先(即係佔的比重最高)的當然就係佢地的皇牌---pitera™同角鯊烯。pitera™跟肌膚的天然保濕因子(NMF)成分極為相似，是提昇及維持肌膚透亮、柔嫩及細滑的重要元素, 而角鯊烯與人體皮脂成分幾乎相同，因此很容易被人體所迅速吸收，可補充細胞所需的氧氣、加速新陳代謝、活化細胞、促進細胞再造等, 而之前提及的幾種天然精華油全部都係質地比較豐潤又不易致敏的, 對濕疹和乾性敏感肌如我, 就可以更放心使用了!
呢個product是在使用精華素之前用, 用前要先搖勻, 之後再倒出5-7滴塗勻全面便可。早兩天開始用時, 我還覺得個樽口太細好難倒, 後來才發現自己太大力, 只需溫柔地輕輕倒就得, 而且如果個樽口太大, 一個唔覺意倒多左, 咪好肉赤?!
一開始用時未睇說明書, 以為個mixture會好稀, 但原來質地對我呢個「護膚品黑洞」係剛剛好, 睇落好油但又好快吸收! 用完呢個之後,. 就可如常繼續平日的護膚程序。
用左幾日 (早晚都用), 效果幾long lasting又唔會太油膩, 即使我夜晚開暖爐, 第二朝起身都唔乾, 摸落去仲幾柔軟, 效果相當唔錯! 咁當然, 「一分錢一分貨」, 之但係佢其實每次只用5-7滴. 就算日日用, 50ml計起來點都用到半年。學某局長話齋, 拉勻黎計都算抵用, 所以我話佢絕對係「公主般的價錢, 神仙一樣的功效」!
