Reviews
P
review-image
review-image
review-image
14+
以前用過不少美白精華，都感覺比較乾笠，即使美白有成效，都可能會引發乾紋、敏感的危機。我本身是乾燥肌，美白產品易讓肌膚變得乾燥敏感，因此平日較多用保濕產品。多得she.com讓我試用Caudalie葡萄蔓極緻完美精華液，讓我有肌膚亮白新體驗。 這次試用的精華液由自家農作的葡萄所提煉而成，成份天然。當中所蘊含的葡萄藤萃取物，能有效抗氧化亮白、抑制黑色素的形成、淡化色斑以及均勻膚色，而且可以激發骨膠原彈性蛋白更新，讓肌膚亮白緊緻。 精華液質地清爽，不含油份，容易推展之餘，吸收快。而且帶有天然清淡的香氣，在面上按摩時感覺十分舒服。 塗上面後感覺清爽滋潤，沒有乾燥黏笠感，質感比以往用過的美白精華好！大讚！相信很適合春夏季使用。現在在使用保濕產品之前，我都會使用這精華。如果想整體肌色更均勻，也可以塗在頸部。之後再使用防曬和粉底，都好貼服，感覺肌色漸漸變得明亮了。 使用一星期裡沒有任何乾燥敏感的狀況，而且本來暗啞的肌色，明亮感有所提高～膚色較之前均勻亮麗！肌膚白滑漲卜卜，去黃效果都不錯呢~ 這一支成分天然的精華果然是乾燥肌sis的美白神器呢！今個夏天就算同陽光玩遊戲，都駛唔怕喇：）

Caudalie

Vinoperfect Radiance Serum

葡萄蔓極緻完美精華液
A
review-image
review-image
review-image
4+
我最注重美白，這支 Caudalie 的葡萄蔓極緻完美精華液，是法國第一美白淡斑產品，加上佢一向成份天然，當然好想試吓。 佢成份蘊含葡萄藤萃取物，能有效抗氧化亮白，對抗黑色素及均勻膚色，更不含油脂，質地非常水潤，呈乳白色，容易推開之餘更容易被吸收，完全沒有笠笠感覺，很清爽。 不單可美白，還可以緊緻面部輪廓，令肌膚增強彈性，但老實講，由於一星期前才收到這支試用品，論成效，感覺上的確比以前白咗小小和有光澤，但我相信持續使用，效果必然理想，因為一星期已白咗小小喎，否則怎會連續八被選為法國第一美白產品，哈哈！ 至於氣味就唔錯，草本味，感覺清新，我用了一星期也沒有出現敏感肌。 價格是 HK$510/30ml

Caudalie

Vinoperfect Radiance Serum

葡萄蔓極緻完美精華液
m
review-image
review-image
review-image
6+
由於夏天經常要去戶外活動，又因為自己係雀斑肌，一曬D斑就會浮曬上面，所以開始比較曬既時候，就會由保濕精華素轉用美白既精華素，今次可以試用Caudalie葡萄蔓極緻完美精華液，絕對令我好期待。 首先睇佢既質地，有小小以牛奶咁 crème，亦都好以推開，小小已經足夠搽晒成面，第二，雖然我香港既夏天比較潮濕，未必一定要用好多保濕用品，但係夜晚訓覺開冷氣，始終都會比較乾，所以我發現呢隻美白精華素保濕度好高既時候，覺得好正，可以唔使另外再保補濕精華素，只要再搽面霜就可以訓覺喇！然而，雖然佢比較滋潤，但係皮膚都吸收得好快，唔會太黐立立，呢個都係要讚既地方。 最後，睇佢既效果，雖然搽得幾日，我D斑未見消失左，但係我發現已朝早起身膚色係均勻左，增加左明亮感，好以搽左 CC cream既感覺，而且無敏感及不良反應。夏天繼續用佢，應該可以幫我阻止黑斑再浮出黎，唔使曬黑到D粉底顏色同塊面唔同左lu~

Caudalie

Vinoperfect Radiance Serum

葡萄蔓極緻完美精華液
review-image
review-image
review-image
3+
平時面部留低嘅斑多數係因為暗瘡處理不當而引起，造成膚色不均，所以化妝要長用遮瑕膏，有時都覺得幾麻煩~今次試用Caudalie葡萄蔓極緻完美精華液，具有淡斑同亮膚功效，所以試用前非常期待，希望可以對痘痘肌的我有幫助。 首先睇下味道同質地。我一向不太喜歡味道濃重的護膚品，Claudalie的精華液有一種清新宜人的淡香，像是葡萄柚一樣酸甜的清爽味道，雖然香但是卻沒有令人反感，反而在嗅覺上令我一聞傾心。顏色為乳白色，質地較稀，一開始以為要用許多才能塗完整張臉，事實上因為乳液容易推開，只需少許則可搽完臉，而且質地容易吸收，塗上一分鐘肌膚已經吸收得七七八八，也不覺得油笠，對混合型偏油的肌膚來説，我覺得容易handle，肌膚零負擔，塗完後可以看出肌膚的光澤度和水潤度提高，有助之後面霜的吸收。使用後化妝持久度亦更高，肌膚看上去白滑健康。 Caudalie葡萄蔓極緻完美精華液主打是撃退色斑，但是因試用時間較短，色斑未能完全褪掉，但是有淡化的跡象。我相信所有肌膚問題的根源都來自於補水，就今次精華液來講，肌膚水潤度有很大提升，因此也令我對它日後的祛斑效果有所期待！

Caudalie

Vinoperfect Radiance Serum

葡萄蔓極緻完美精華液
E
review-image
review-image
review-image
14+
美白係每個女人既終身事業 正所謂一白遮三醜 唔好以為夏天先會曬黑 其實一年四季D紫外線都好恐佈 平日淨係行出街都唔多唔少會令你變黑 唔好以為留係室內就冇事 一樣會黑 因為燈既光線無處不在 同樣都會令體內不自覺地增加黑色素 今次就試用左法國品牌Caudalie的皇牌產品——葡萄蔓極緻完美精華液 我一向視白如命 可以同大家分享一下:) 好多人一諗起美白就會急不及待狂用美白精華 美白面膜 其實市面上好多美白產品通常會比較刺激 有時唔正確地使用反而會引致敏感 得不嘗失 但Caudalie葡萄蔓極緻完美精華液適合所有肌膚人士使用 連孕婦用都無問題 「成份」 產品成分天然當中蘊含 Caudalie獨家專利成份Viniferine 有助提升皮膚光澤度同透亮感 煥彩亮白效果係維他命C既62 倍 有助於淡斑 亮膚 打造亮白美肌 另外產品不含防腐劑 礦物油 動物成份 無油配方同無光敏感成分 唔會形成粉刺 所有膚質都適用 產品亦標榜孕婦用都絕無問題 「質感」 乳白色既liquid狀 質感非常水潤 容易吸收 真係好似搽緊牛奶上面咁 產品帶有淡淡既葡萄香味 一路按摩 有舒緩既感覺 美白同時relax呢 「使用方式」 方法1: 日常美白精華素 係早晚洗完面用完toner後 用5蚊到既份量作全面按摩 再使用另外5毫子既份量輕拍色斑較重既位置 集中狙擊嚴重既色斑 抑制黑色素既形成 方法2:面膜前打底 係敷面膜前用5蚊到既份量作全面按摩 面膜後再使用另外5毫子既份量份量輕拍色斑較重既位置 令肌膚更加吸妖精華 注入更加多既養分 成晚都可以保持源源不絕既美白同滋潤感 方法3:妝前打底 化妝前先作全面按摩 然後利用2-3滴混合防曬使用 可以令防曬更水潤 並可作為一個珠光base 皮膚更加容暘吸收同補濕 妝感亦都會更有光澤同貼服 「即時效果」 產品容易吸收 皮膚感覺十分清爽 一d都唔會痴笠笠 全面按摩後 感覺皮膚即時明亮左 好有光澤感 而且好似飲飽水咁好有彈性 上妝前用真係可以唔駛搽光澤感既base!! 「一星期效果」 美白精華中補水滋潤既效果相當唔錯 皮膚光澤感最明顥 提亮左唔少 感覺精神左 產品抗敏感亦不俗 係咁潮濕既天氣下使用 依然十分清爽 而且冇任何敏能既情況 黑色素方面控制得十分穩定 即使捱夜都冇明顯既加深 相信長時期使用可有助淡斑 暗粒印方面 由於產品既補濕力唔錯 所以明顯可以見到痊愈力比冇用時快同強 整體既感覺好好 加上佢成份天然 令人可以好安心咁使用 習慣成自然 勤力使用美白產品 加上均勻飲食 今個夏天一定可以成為一個白雪公主呢~~~:)

Caudalie

Vinoperfect Radiance Serum

葡萄蔓極緻完美精華液
m
review-image
review-image
今次試用的是我的鍾愛的法國品牌Caudalie的皇牌產品——葡萄蔓極緻完美精華液。 首先簡單介紹一下這個精華液有多完美~~ 葡萄蔓極緻完美精華液 是Caudalie 第一支蘊含 Viniferine 葡萄蔓萃取物的產品。 使用的成分天然，功效主要為淡斑及亮膚。而且比美白聖品：維他命C高約62倍功效。 葡萄蔓極緻完美精華液 更加可以改善肌膚光澤度，打造亮白美肌。 很多容易皮膚的人都怕用美白產品，因爲很容易就會過分刺激而引起皮膚敏感。 但Caudalie葡萄蔓極緻完美精華液適合所有肌膚人士使用，連孕婦用都無問題！ 這次拿到的旅行裝size細細，但因爲用量不大，我用了接近2個星期都還沒用完！！ 帶去短trip一流。 Caudalie葡萄蔓極緻完美精華液的質感是比較水狀，倒出來之後要立刻搽上面。 伸展力超強，輕輕一抹就已經可以塗抹全面，而且很吸收，沒有厚重感。 不能不提的是Caudalie獨特的葡萄香味，聞起來太舒服輕鬆了。 使用了接近2個星期，淡斑效果暫時未看到。但我覺得整個膚質變得光滑，而且臉頰要發亮似的充滿光澤，就算素顔都無有怕！（可能要遮一遮黑眼圈，笑）

Caudalie

Vinoperfect Radiance Serum

葡萄蔓極緻完美精華液
d
review-image
review-image
review-image
5+
精華液係我最喜愛亦都係我最常用嘅護膚保養品，因為鐘意佢夠滋潤同有好多不同功效嘅款式選擇。今次就試用了Caudalie葡萄蔓極緻完美精華液，係我用過嘅精華入面算係高分，整體都好滿意！以下就黎簡單介紹下佢嘅功效同我嘅小小用後感： Caudalie葡萄蔓極緻完美精華液蘊含葡萄藤萃取物，可以有效抗氧化亮白、對抗黑色素以及均勻膚色，並能激發骨膠原彈性蛋白更新，增強肌膚彈性，有效緊緻面部輪廓。只須使用四星期，面上的斑點和色斑均有明顯的改善，令肌膚充滿光澤亮麗。對於成日出街又懶得塗防曬霜嘅我黎講簡直係恩物！佢集合美白去斑、增強彈性、緊緻肌膚三大功效合一，以呢個價錢同容量黎講可以做到咁多功效真係好抵買，而且玻璃樽嘅包裝感覺上去更加高貴，拍得住名牌子成千大元嘅精華液。 有幾個原因令到我好鐘意呢支精華，第一，係因為一開蓋已經聞到好清新嘅香味，搽上手背試用後，陣香味依然留在手上last了好久，同事聞到都話好香！第二，就係佢嘅質地非常清爽，不含油脂，塗上面後好快就吸收晒，唔會有黏稠嘅感覺。第三，就係成份夠天然，之前都有聽過Caudalie呢個品牌，知道佢嘅產品都係成份天然，感覺用後更加健康。試用左幾日，feel到肌膚好似有層水膜包住咁，過左成日都唔會特別好乾，保水滋潤效果very god！另外肌膚色澤都明顯有改善，變得更有光澤提亮，黑色素都有少少減淡，肌膚變得脹卜卜好有彈性！ :)

Caudalie

Vinoperfect Radiance Serum

葡萄蔓極緻完美精華液
« 5057 5058 5059 5060 5061 5062 5063 »