連男神都撐的面膜, 識揀一定係揀SYNERGIE 神級面膜 Masquerase。
講咩都好, 一定要先多謝SHE.COM揀左我做試用先啦......
講返個mask, 其實我對呢個mask的first impression係.....王宗堯! 點解? 因為當時宣傳緊呢個產品時, 電車, 巴士等都不難見到佢同袁彌明的相擁照片囉! 但我當時都係無點留意呢個產品。直到見到she.com 有得申請試用時, 睇過呢個mask的ingredient, 先知原來佢咁「把炮」。所有身體結構最初都係由幹細胞變化出來, 因此如果可以令幹細胞分裂, 就幾乎可以修復所有肌膚問題。而SYNERGIE 神級面膜 Masquerase就可以做到, 因為佢加入創新科研成份—海洋萃取多糖環 (Phycosaccharide AI)，透過刺激幹細胞生長自我修復細胞，減淡細紋並深層修復受損肌膚，同時提升肌膚本身細胞免疫力。
我自小已有嚴重濕疹, 雖然大部份著衫可以遮掩, 但到近幾年塊面都難逃一劫。生完小朋友, 加上長期缺乏睡眠同工作壓力, 不單止肌膚, 其實整個身體健康都有相當的影響。只要我一病, 濕疹和敏感便會發得特別嚴重, 令我非常困擾, 平日揀skincare都有好大局限。又或是近日天氣反覆, 額頭已經可以紅了一大片。雖然不痕, 但照鏡點都會唔開心。但我用左兩日, 起碼敏感如我都完全無事, 呢個已經令我好有信心。再睇下佢的用料, 麥盧卡蜂蜜可以強效抗氧化(順帶一提, 每日口服一匙UMF 10+或以上的honey對喉嚨同消化系統都好有幫助)、加拿大柳葉係天然類固醇, 有效舒緩敏感泛紅症狀、乳木果油、金盞花油及燕麥等(保濕舒緩乾敏肌膚)，更有vitamin b5 (去面黃)和透明質酸 (又係保濕力強勁的野), 已經覺得佢係寫住我個名的!
SYNERGIE 神級面膜 Masquerase係厚身cream質地, 氣味係蜜糖加麥片咁ge味 (好早餐feel.....) , 好natural。我好怕人工香味太重的products, 不過呢個唔係。 第一天用了30分鐘, 初時5-10分鐘感覺係有好輕微的拮拮地, 但之後又會消失, 而我睇塊面當時係無紅的。30分鐘後洗面, 覺得好似有層薄膜留在面上, 肌膚好似有少少pump脹左咁, even唔即刻再用後續skincare都不會繃緊, 而昨天無啦啦出現的泛紅都減淡了。
今日睇返SYNERGIE 神級面膜 Masquerase原來最少要用一小時 (btw, 佢話可以做sleeping mask但我好怕晚上塊面好立, 或者遲d先試) 咁我唯有敷足一小時, 但cream mask的好處就係, 我可以同步做家務。一小時過後洗面, 肌膚確係radiant左, 明顯見到滋潤，舒緩同降紅, 一枝咁multi-functional的product加上咁優質的用料, 我一定會回購的!
