第一次試La Roche-Posay的產品，但一直聽過品牌的信譽良好，不少產品都好好用，今次試的是每日高效BB乳霜，我收到的試用是一支3mL的產品，真係夠曬我試清楚啦，而且細細支方便拎出街，有三種色調選擇:01色(亮白)/ 02色(自然)/ 03色(粉嫩），而今次試用的是01（亮白）色。
夏天無論搽咩都要含防曬，否則好易曬黑，因為而家d太陽實在太勁，今次的試用正正係我在夏天最需要的產品，含防曬的BB霜，因為我係勁懶，成日都唔記得搽防曬，所以如果BB霜入面有強勁的防曬就最岩我啦，可以美化膚色之餘，仲可以有高防曬的保護。
呢個防曬是MADE IN FRANCE的，所以是信心的保証，它的防曬系數是SPF 50PA++++，防曬度非常夠，唔洗驚遲左補會曬黑，我相信呢個防曬系數絕對可以令你夏天曬唔黑。
產品擠出來是淡膚色乳液狀,用量很小已經足夠搽勻全面，質地好細緻，擦在臉上時很好推,就好似平時搽面霜的感覺，肌膚立即感到保濕，而且將臉色變得好看，薄薄一層就已經好夠，是好自然的效果，亦令肌膚更顯白哲，肌膚唔會覺得焗，不會阻塞毛孔，沒有香味，鼻敏感的女士都可以放心使用，而且性質溫和，盒上寫連敏感性肌膚都用得，所以就算我皮膚敏感的日子都可以放心使用，擦完後肌膚多了光澤，質感亦很透簿,好似第二層肌膚咁。
單單使用亦可令膚色看起來更好，因為佢是肉色，所以會有把亮膚色的功效，搽左連黑眼圈都變淡了，方便唔化妝的日子都可以修飾下肌膚，亦可作化妝底霜使用，能修飾膚色不均勻的問題，更令暇疪都小了，而且防曬非常足夠，所以我想就算夏天用，肌膚都唔會曬黑，真真正正保護到肌膚。
就算呢幾日咁熱的天氣，用落都唔會覺得焗，又唔易溶，仲可以滋潤肌膚，用了幾天都沒有出痘痘，平時我用親防曬都好易出痘痘，可能以前用過的太厚了，所以呢隻防曬真係做到對肌膚零負擔，值得一讚。
用左一日，在中午補過一次,光澤都仲可以維持到,用左幾日，肌膚色斑都沒有增多，證明防曬力是足夠的。
總括而言，呢個防曬好適合香港的夏天使用，因為香港的夏天已經夠潮濕悶熱，所以我對防曬有好高的要求，一定要夠輕視透簿，呢款絕對做得到。
