Fancl嘅卸妝產品咁出名，相信大家都唔陌生～今次小妹就試用左佢嘅皇牌產品，就係MCO納米卸妝液！宜家就同大家介紹同分享下我嘅試用過程啦～
MCO納米卸妝液今次出嘅新配方，係專門針對頑固妝容，例如：防水防油嘅眼線液、睫毛液、不脫色唇膏、高清底妝等嘅難卸彩妝而作出改良，以納米速淨分子深入毛孔，再徹底卸走彩妝。另外，新配方亦加入左「角栓潔淨油」，內含「白池花籽油」，令產品嘅去角栓功能提高左成3倍咁多！MCO納米卸妝液同時可以將藏係毛孔深處嘅角栓同黑頭溶出，預防毛孔堵塞，全面淨化肌膚，keep住肌膚係最佳狀態！
聽完以上介紹後，大家都應該對MCO納米卸妝液嘅效果好好奇，宜家就等我同大家分析下用完後嘅感覺啦：
小妹我都用過唔少類型嘅卸妝品，卸妝水/卸妝油/卸妝膏等等我通通試過，但我堅信如果卸妝卸得夠徹底，肌膚就可以keep住最好嘅狀態，所以我一直都較鐘情用卸得最徹底嘅卸妝油～
Fancl嘅MCO納米卸妝液最令我impress嘅一點就係佢嘅超細納米分子。因為市面上其他卸妝產品嘅分子可能冇咁細，未能清走毛孔底層嘅污物；反而Fancl MCO納米卸妝液嘅超細粒子就可以深入毛孔嘅最最最深處，徹底清走晒入面嘅污穢同油脂粒子。連眼、唇妝呢d難卸位置，都可以一次卸走晒！
另一樣我最喜歡嘅就係佢用完後丁點油膩感都冇，因為我本身個人好怕痴立立嘅感覺，最怕卸妝後仍然成面油洗唔走。MCO納米卸妝液用後好清爽，但又唔會乾爭爭，少少滋潤得來唔會令塊面痴立立，真係好啱我用。
而新配方仲加入左「角栓潔淨油」，幫我清走角栓，令肌膚更潔淨、更細緻無瑕。用完佢之後，同朋友selfie影大頭相，都唔洗再怕會影到晒d粗大毛孔同黑頭啦！ :P
