Reviews
M
review-image
review-image
【Urban Decay Eyeshadow Primer Potion 試用報告】 非常開心，因為UD不單只進駐香港，更推出左eyeshadow primer potion的改良版，新品牌、新設計、新刷頭同新色調，聽到都興奮，所以好多謝 @she.com等我有試用既機會！ 化妝係女人天性，但係一到夏天就會受到極大既考驗，特別係香港又熱，又焗，又濕既天氣！所以，化妝前面部primer唔少得，原來眼妝都係一樣，都好需要primer！！一直聽過唔少關於UD eyeshadow primer 既好評，宜家等我分享下我試用既感受： 色調方面：Original 接近膚色；Minor Sin 帶香檳金閃粉；Eden 比較啞緻；Anti-aging 偏黃調，各有特色。 延展性方面：四色既延展性都超強，少量，大概一顆綠豆分量就可以擦曬兩個眼蓋，full size 有 10ml甘多，真係有排用，所以除返開$200/$230一d都唔貴，而且質素超高（下面會講）。 除左用量少，UD eyeshadow primer 仲超級無敵好推，1、2下已經好均勻，唔會一舊舊，特別係original，查左之後，自動變透明，岩曬所有eyeshadow！不過，我有個小習慣，就係會先擠少少primer係手指，摩擦2下，再查上眼，效果perfect!! 顯色度 持久度方面： 好似我呢d小資女甘，budget有限，無可能時時買貴價eyeshadow，所以好多時都係用d平價眼影，顯色度自然就差少少！不過，今次試用完之後，我就決定：以後寧願多花少少錢系base product上，好似UD eyeshadow primer 絕對系值得投資既產品！ 有同無用UD primer真係差好遠，單查平價眼影係比較容易脫粉、唔均勻，眼影效果比較粗糙，但係，上左UD eyeshadow primer的廉價眼影係會更上色，更出色，顯色度更高，更細緻，持久度6個鐘以上！！當然，貴價眼影就更加靚，無積線之餘，更加持久！ 遮瑕度方面：我眼蓋有好多微絲血管，同埋成日都紫紫黑黑甘，但係試用左質感柔順幼滑的UD primer之後，眼上面既呢d肌膚瑕疵真係可以遮蓋到，其中我最中意既系色號Eden，matte得來，有效甘遮左d唔均勻膚色同血管，令成個眼妝更加整潔，更加令人注目！強推呢款UD eyeshadow primer!! 掃頭 配方改良方面：據我所知，今次UD eyeshadow primer full size轉左海綿頭，雖然我麻麻地中意海綿頭，但可以先將產品放落手指/手背再上眼，就唔怕有衛生問題啦，所以個掃頭，我可以接受。 新改良既配方，我就超級無敵中意，UD竟然做到“不含羥基苯甲酸酯配方效果依然出眾”，唔知大家知唔知“羥基苯甲酸酯”係咩？佢係一種常用系化妝品既防腐劑。我覺得今次UD最大既革新就係唔用呢種防腐劑，但唔影響primer既性能，仍然可以keep到一個長效、防眼影結塊既眼妝，對於我呢d眼皮特別敏感既人士真係百利而無一害！絕對支持UD棄用防腐劑！！ 簡單總結一下UD eyeshadow primer potion： 1. 絕對適合香港季節，夏天 --- 溶妝季節簡直強推，有效抑制眼蓋既油份！ 2. 4種色調，照顧所有人需要！ 3. 延展性強，little goes a long way，而且超級好推！ 4. 顯色度、持久度非凡，原來多加一個步驟，就可以有個亮麗、持久既眼妝！primer絕對值得大家投資！ 5. 配方改良，無需多解釋，雖然大家都想做個防腐美人，但係應該無人中意防腐劑？特別用系眼呢d脆弱部位！ 眼影，我可以接受平價，但係eyeshadow primer真係要揀有質素、有保證既，甘就事半功倍；）

Urban Decay

Eyeshadow Primer Potion

眼影底霜
c
review-image
review-image
review-image
15+
眼神係人的靈魂之窗，所以無論我幾趕幾忙都好，我都一定要化眼妝，因為真係令成個樣精神好多，但眼妝化就容易，要last得耐就好難啦，相信好多人都試過化完過左幾個鐘變熊貓眼，所以今次試用的產品係Urban Decay Eyeshadow Primer Potion，佢係眼影底霜，幫到我地眼妝可以long last d,今次收到的試用裝係一次過試曬佢四款的底霜，分別有不同功效。 4款全新色調包括：Original (自然)、Eden (啞色祼妝)與 Anti-Aging (潤澤色調)，Minor Sin (香檳閃金),呢個底霜係以太空時代聚合物技術製造，可填補皮膚表面的不平滑瑕疵，為你預備好全天塗上眼妝的準備，亦可以擴散光線來模糊瑕疵。仲包含埋先進的抗衰老成分，可幫助預防及改善肌膚老化問題，最重要係所有色調均不含防腐劑，真係敏感肌都可以放心使用，絕對係用得安心。 咁我就每一隻顏色逐隻講，首先係Original色調，乾透後無色，一搽上手已經好潤,好似搽緊eye cream咁，搽完隻眼d細紋都瞬間消失左，即刻smooth曬，化起眼妝都特別上色，連畫條眼線都順d,我覺得乾肌絕對適合用呢個。 第二隻係Eden 色，佢澤啞緻自然，有助全面遮瑕及遮蓋紅印，搽後令眼周肌膚更見柔滑細嫩，但就會較乾d,所以用之前要做好保濕，但真係遮暇力強好多，眼上有紅印都完全遮住，而且唔會覺得厚，可以搽得好薄。 第三，Minor Sin 是閃亮的香檳色調，一搽開已經有閃粉效果，而且色調自然，就算有時好趕時間只搽呢個都可以當化左眼影咁，因為簡簡單單已經好靚。 第四，Anti-Aging抗衰老，有效抗衰老、全日持久、防止結塊、讓眼影色彩更鮮明、感覺順滑貼服，搽上去都好潤，搽左上去冇咩色，但當搽埋眼影就令眼影更出色 品牌網面仲話用家用左一段時間後發現面部幼紋有明顯改善，肌膚更見亮白，肌膚明顯更有活力、清透明淨，我都好期待呢個功效呀，如果搽眼影底霜都有咁多好處，我一定好勤力咁搽，又可以扮靚，又可以護膚。 我再用呢款眼影底霜化左眼妝出街，平時到兩三個鐘就會現熊貓眼同眼影色調會變淺，用左底霜後，化左六個鐘後個眼妝都仲last得好好，色澤依然明亮。 所以我覺得呢個眼霜係好有效，而且絕對物超所值，$200買到，而且可以用好耐，仲可以幫埋慳返補眼影的次數，咁盒眼影都可以用耐d,咩都抵返啦。

Urban Decay

Eyeshadow Primer Potion

眼影底霜
C
review-image
review-image
review-image
17+
眼妝可謂妝容裏最重要既部分，好既眼妝往往就能令人留下深刻既第一印象～可惜眼周肌膚卻會出汗出油，令眼妝唔持久，last得唔耐不突止，仲會熔晒，影響晒成個妝，就算其他parts化得幾好都冇用啦~ 所以就有眼影底霜既出現，係化眼妝前塗薄薄一層，可以用手指輕輕印開或者用化妝掃blend開，然後再塗眼影、畫眼線，眼妝就可以全日防水防汗，唔會溶之餘，眼妝仲可以大大提高持久度同顯色度，就算眼周出油出汗都唔怕會影響妝容同形象啦~而我今次就試用左Urban Decay既眼影底霜，一共有四款，就住唔同既需要可以用唔同既底霜~要注意既就係 - 佢地都係比較快乾，所以用既時候要快手快腳同記得好好控制份量呀~ 1. Original 較接近膚色，較適合不同膚色既人使用，blend開後接近無色，但感覺上比較乾，控油效果明顯不錯，適合眼周比較油既人人使用~ 2. Eden Blend開後比較白，遮瑕度明顯比較好，但感覺上比較乾，同original差不多，控油效果不錯，比較適合眼周較油又比較白既人用~用上眼影後，眼影最為顯色~ 3. Minor sin 為帶閃粉既香檳色，就咁當做眼影用都亮麗奪目，用上眼影後，眼影為第二顯色~ 4. Anti-aging 比較保濕既底霜，並帶有閃粉，用上眼影後，眼妝睇落比較柔和，係我最鐘意既一款~ 由於用左眼影底霜之後，眼妝都會變得防水防油，全日都持久不脫色，效果十分理想！！！（而且價錢合理～物超所值～）仲有就係卸妝既時候都可能要花較多時間處理或者用較高效既卸妝產品~切記要輕柔啲處理細嫩既眼周肌膚呀~

Urban Decay

Eyeshadow Primer Potion

眼影底霜
d
review-image
review-image
Urban Decay 的妝物進軍香港短短日子已備受推崇，今次試用了全套共4色的眼影底霜，令我愛不釋手！ 它採用了太空年代高分子科技，可填補肌膚瑕疵，塗上後眼部肌膚變得細緻，感覺滋潤舒適。 Original (自然)色調只含微量透明色澤，以均勻膚色，所有膚色都適合使用； Eden色調啞緻自然，遮瑕度高，適合遮蓋紅印，或營造無瑕素肌時使用，不塗眼影也覺得眼睛變年輕了； Minor Sin 的閃亮香檳色是我的最愛，單用它已能打造深邃眼窩，減少浮腫感； Anti-Aging抗衰老眼影底霜也是乾透後無色，含抗衰老成份能，有助撫平細紋，其光學淡色技術可令光線擴散以遮瑕，化妝同時護膚。 這4款眼影底霜的質地柔滑貼服，再塗眼影，立刻見到底霜的高度融合力，只掃一次眼影已很顯色，外出一整天也能保持不脫色﹑不起摺，避免尷尬情況出現。24小時持久力是它的賣點，特別推介給眼部易出油的姊妹們啊！

Urban Decay

Eyeshadow Primer Potion

眼影底霜
s
review-image
review-image
review-image
5+
其實我係第一次用眼影底霜，今次有機會試晒 Urban Decay 4 款，試完令我十分讚嘆，呢支嘢真係好堅！ 睇其他 jm 嘅 posts，你都會睇到呢 4 隻眼影底霜到底有咩分別，喺呢度我唔再贅述啦！ 為咗配合返 1) 香港潮濕嘅夏日天氣； 2) 相對會出多啲面油嘅日子； 3) 平日上班嘅妝容， 所以今次我揀返 Original 嚟接受挑戰！睇 UD 介紹話用咗眼影底霜，個眼影可以 keep 到 24 小時，我梗係要試吓佢有冇呃我啦！ 左眼對照組係冇搽 UD 眼影底霜嘅，右眼實驗組就用咗 UD 眼影底霜。用上同等份量嘅眼影，一上完第一樣睇到嘅嘢就係，實驗組啲眼影顏色明顯係顯色啲！因為要做實驗嘅關係，鴛鴦眼都冇計，照出門。 6小時過後，我忽然間隻左眼好痕，捽咗，先醒起自己搽咗眼影...... 唔緊要，捽埋右眼咪得咯 :D 結果係點？睇吓幅相就知道！對照組畀我捽到啲色淡晒，而實驗組眼影啲色仲好實在，係畀我捽走咗啲閃粉。 因為畀我唔小心捽咗眼，實驗就到 6 小時為止啦！下次再挑戰 24 小時啦！ Urban Decay 眼影底霜優點： 1) 令眼影顏色更顯色 2) 真正能令眼影 keep in place，捽眼都影響唔到佢 3) 4 種選擇，適合不同人士/場合需要 4) 不需要眼唇專用卸妝油都能夠輕鬆卸妝 缺點？應該唔係防水嘅設計；今次試驗時冇乜點出汗，所以試唔到佢能唔能夠防水，係今次試用嘅少少遺憾。

Urban Decay

Eyeshadow Primer Potion

眼影底霜
review-image
review-image
review-image
16+
一個完美的妝容，眼妝的一部分尤為重要！ 記得未學化妝之後，學人畫眼線，但係唔知點解眼線不足幾小時就開始有溶開跡象，一直都解決方法就只是身上帶著棉花棒及眼線筆去補！ 如是者過了幾年，到幾年前開始到化妝學校學化妝（現在也是一名小小的Freelance 化妝師），那是開始經過老師的教導，就知道原來市面上是有一種產品叫Eye Base/Eye Primer，也即是眼部的底霜，可以幫助眼妝Keep得耐D／更加顯色，還有助控油！ 那時，開始準備自己的工作化妝箱時，就不斷在網上找尋好用的眼部底霜，也是我第一次接解URBAN DECAY這個牌子，原來這品牌的眼部底霜已有多個本地及外地的使用分享，全部都一致讚好，於是就入手試試，果真效果令人滿意，現在我幫人化妝／自己化妝都是用上它！ 最近就收到這品牌的Eyeshadow Primer Potion改良版試用裝，一次過可以試哂4款不同功效的Eyeshadow Primer，就等我分享一下啦！

Urban Decay

Eyeshadow Primer Potion

眼影底霜
v
review-image
review-image
review-image
5+
今次好高興可以試用Urban Decay Eyeshadow Primer Potion，從未想過眼影都要用底霜的我，今次真是一個好機會讓我試試用了眼影底霜跟無用的有什麼分別。 今次可以試用4款色調包括：Original (自然) 、Eden (啞色祼妝) 、Minor Sin (香檳閃金)及Anti-Aging (潤澤色調)。Original色調與不同膚色完美貼合，乾透後無色。Eden 色澤啞緻自然，有助全面遮瑕及遮蓋紅印，讓我的素肌更見柔滑細嫩。Minor Sin 的閃亮香檳色是 Sin 的閃亮色調。至於Anti-Aging眼影底霜，其高科技成份除了能對抗皺紋及改善肌膚色調及質感，又能瞬間喚醒倦容並減淡紅印、幼紋及其他瑕疵。Anti-Aging眼影底霜與Original 眼影底霜色調相近，透明光澤，均勻及調整肌膚顏色。另外，資料顯示在8星期臨床研究中，100% 用家發現面部幼紋有明顯改善；100% 用家肌膚更見亮白；及97% 用家肌膚明顯更有活力及清透明淨。 我一直沒有留意眼影底霜的重要性，原來Urban Decay眼影底霜可填補皮膚表面的不平滑瑕疵，讓眼周部位受到妥善保護，眼瞼皮膚更為平滑，膚色均勻，皺紋減少。另外，使用眼影底霜可令眼妝更易上色，色效持久，使雙眼閃出迷人亮采。而更重要的是其眼影底霜不含防腐劑，其先進的抗衰老成分，可幫助預防及改善肌膚老化問題。試用了幾天後，我的整體感覺是令眼妝持久不脫色、修飾膚色不均、防止結塊、方便使用、讓眼影色彩更鮮明、感覺順滑貼服。 我的小貼士是塗上適量眼影底霜，趁尚未乾透前塗上適量眼影。這樣，底霜能讓眼影更持久顯色，讓妝容整天呈現亮麗光彩。此外，可單獨使用Eden或Minor Sin作眼影，以塑造自然裸色的妝效。 最後，希望能成為幸運兒，試試連用8星期，看看我的幼紋是否有明顯改善。

Urban Decay

Eyeshadow Primer Potion

眼影底霜
J
review-image
review-image
review-image
7+
本身係超油眼既我, 一直都係Urban Decay既Eyeshadow Primer既忠實粉絲。 我平時用既係original版本, 控妝效果非常持久, 出一日街眼影依然keep到。 今次好開心可以一次過試哂UD一套四款全個系列既Primer, 等我遂個研究下先! Original: 一貫既好用, 易推開, 推開後無色, 薄薄一層, 彷如無物, 但一上眼影就會發覺非常出色。 Eden: 係一個nude&matt既formula, 比original要厚身一點, 本身帶有肉色, 質感似遮瑕膏, 上眼影會令顏色更實色, 少了一點透明感。 Minor Sin: 係四支入面唯一帶shimmering效果既primer, 上眼影後會帶珠光, 效果好靚。 Anti-aging: 令我最感驚喜既一支primer, 質感最滑最潤, 比original更易推更貼服! 眼影顏色好出但又不失光澤同透亮感!! 大愛!!! 試勻四種primer, 發覺平時用開既orignial雖然好控妝, 但原來另外三種顯色度更強, 抓粉能力更高! 我最愛最愛anit-aging primer, 最潤澤, 效果最靚! 下次用完一定會買anti-aging 系列!!

Urban Decay

Eyeshadow Primer Potion

眼影底霜
« 5016 5017 5018 5019 5020 5021 5022 »