大概在5,6年前,因一次聖誕節期間,在商場內偶然見到Crabtree & Evelyn店門外大排長龍?一問朋友下才認識她,另外見到包裝很漂亮,產品很香,很滋補,價錢又大優惠,令到我都即時排隊大出血!連續幾年聖誕節都以她們為禮物送給親友.不過早兩年開始有D悶,轉了送其他禮物給親友.
而今次所試用的正是她的其中皇牌之一,Gardeners Hand Therapy!它之所以受歡迎,原因香味清淡,男女皆宜,且質感水嫩. 蘊含果乳脂,迷迭香,鼠尾草,小黃瓜萃取液, 乳化蠟和水.
昨天因前晚長時間下雨,天氣不熱,特登帶出街搽.因無用兩年了,初初一打開信封時,依!包裝質地,由金屬質(牙膏包裝質地),變為膠質. 研究咗一陣,覺得有些優點的!:一: 送給朋友時,包裝不會壓到凹凸不平,尷尬不已. 二: 用到尾,又要擠擠捲捲. 三: 用到差不多完時, 最接近頭頂的,因金屬質硬到擠唔出,迫住要剪爛先至用完. 咁!轉了膠質,就唔會有以上問題了!
昨天打開蓋有密封設計, 好!!! 擠出來是白色乳霜狀,味道淡淡草本味,初初擠多了少少,搽了一陣,感覺是有DD笠的;但再搽多一陣,當手部肌膚吸收晒後,又唔笠了. 並且虎穴位無咗紋理,手背肌膚飽滿了!全日出街, 可能天氣唔太熱, 所以未覺笠刺刺, 或出如擦膠碎之類的現象.
因每年冬天有時在家敷MASK時, 喜歡把雙手搽到滿滿手霜後,再套上膠手套,同步焗佢地一段短時間. 咁! 今晚就將Gardeners搽在左手背上, 再套上膠手套半個鍾, 親眼見到手背慢慢吸收, 敷完後,左手背即時水嫩,飽滿,抗埋皺紋,一把雙手對比,紋理一比自知!!!
再上網頁一看,原來Crabtree & Evelyn創立於1972年,品牌名字取自於一個十七世紀文藝復興時期在保護自然資源有過重要著作的英國植物學家"John Evelyn". Evelyn走遍歐洲, 回到英國他便分享新發現.他偉大的遺產"Sayes 莊園" 種植著一大片榆樹和壯麗的花園.創造了一個奇蹟的年代 .而Crabtree & Evelyn更以他的格言{探索世界及保存最好}來研製每件產品.
BYE!
