Reviews
“ 呢隻泡泡染髮劑喺呢幾年入面我應該用過3~4次左右，次次都買唔同色，由銀灰啡到焦糖啡都用過晒，我想講...... 無論你揀咩色，最後染出嚟睇落都係同一隻色嚟，所以揀咩色都係嘥氣，如果你只係想個頭有啲色睇落冇咁悶，對顏色冇乜要求，我覺得都可以試吓用嘅。事實上你唔漂嘅話，啲色係冇可能上得咁實，但係如果我要漂嘅話，我都唔會揀呢隻泡泡染髮劑，因為呢隻出名甩色甩得快。同埋呢隻染髮劑係堅傷頭髮，次次染完就算做足焗油同hair mask，頭髮都係好難梳得開，髮尾又會變到九曲十三彎咁好易斷，我知染髮劑一定會傷頭髮，問題係我用第二隻染髮劑都唔會傷成咁。當初我都係唔信邪先走去用咁多次，嗰陣以為揀第二隻色可能個formula會有少少唔同，點知試咁多次個結果都係唔滿意，而家已經完全轉咗用第二隻染髮劑，唔會再用佢。 ”
呢隻泡泡染髮劑喺呢幾年入面我應該用過3~4次左右，次次都買唔同色，由銀灰啡到焦糖啡都用過晒，我想講...... 無論你揀咩色，最後染出嚟睇落都係同一隻色嚟，所以揀咩色都係嘥氣，如果你只係想個頭有啲色睇落冇咁悶，對顏色冇乜要求，我覺得都可以試吓用嘅。事實上你唔漂嘅話，啲色係冇可能上得咁實，但係如果我要漂嘅話，我都唔會揀呢隻泡泡染髮劑，因為呢隻出名甩色甩得快。同埋呢隻染髮劑係堅傷頭髮，次次染完就算做足焗油同hair mask，頭髮都係好難梳得開，髮尾又會變到九曲十三彎咁好易斷，我知染髮劑一定會傷頭髮，問題係我用第二隻染髮劑都唔會傷成咁。當初我都係唔信邪先走去用咁多次，嗰陣以為揀第二隻色可能個formula會有少少唔同，點知試咁多次個結果都係唔滿意，而家已經完全轉咗用第二隻染髮劑，唔會再用佢。

Liese

Creamy Bubble Color

泡泡染髮劑
“ 呢set洗頭水同埋護髮素真心堅好用。咁講返我啲髮質先，我諗我算係中性髮質，有時懶得打理嗰陣髮尾會偏乾，頭頂又偏油咁。我最鐘意呢個系列用完唔會乾，頭髮變得好幼細好順滑，長期用落去會feel到頭髮係健康咗冇咁易斷或者開叉。我覺得佢算係清爽滋潤型，有啲洗頭水寫明係滋潤型畀受損髮質用，結果用完係笠到飛起，過幾個鐘就即刻出晒油，呢隻唔係咁，洗完感覺好清爽，但係頭髮又好軟好有光澤。而且佢冇搞到我頭皮痕，我頭皮比較敏感，用某啲牌子嘅洗頭水會痕到瘋狂R，但係呢隻冇，所以刺激性應該算比較低。味道方面真係好香，隻花香好清好自然。唯一一個缺點就係佢太貴，我都知一分錢一分貨，但係佢真心唔算大枝，一家人用好快就用晒。 ”
呢set洗頭水同埋護髮素真心堅好用。咁講返我啲髮質先，我諗我算係中性髮質，有時懶得打理嗰陣髮尾會偏乾，頭頂又偏油咁。我最鐘意呢個系列用完唔會乾，頭髮變得好幼細好順滑，長期用落去會feel到頭髮係健康咗冇咁易斷或者開叉。我覺得佢算係清爽滋潤型，有啲洗頭水寫明係滋潤型畀受損髮質用，結果用完係笠到飛起，過幾個鐘就即刻出晒油，呢隻唔係咁，洗完感覺好清爽，但係頭髮又好軟好有光澤。而且佢冇搞到我頭皮痕，我頭皮比較敏感，用某啲牌子嘅洗頭水會痕到瘋狂R，但係呢隻冇，所以刺激性應該算比較低。味道方面真係好香，隻花香好清好自然。唯一一個缺點就係佢太貴，我都知一分錢一分貨，但係佢真心唔算大枝，一家人用好快就用晒。

Lux

Botanique By LUX Premium Damage Repair

植萃洗護系列深層修護
“ 次次煮完嘢食個頭有陣油煙味，或者打完邊爐嗰陣我都會噴幾吓，陣味有少少甜好girlish，噴2~3吓已經夠cover晒啲異味，每次一噴完我男朋友就會捉住我個頭瘋狂聞，真係好香！保濕修護效果我覺得都唔錯，噴完頭髮係會多咗潤澤感，摸落軟身好多，但係又唔會話覺得笠。雖然咁講，但係講到護髮方面，呢支噴髮香水只可以做輔助，唔想頭髮乾就乖乖哋勤做hair mask同搽髮尾油啦，呢支spray我真係拎嚟當頭髮香水用，保濕效果都係當bonus。畀5分係因為佢淨係賣6x蚊，真係拎嚟狂噴都唔心痛！ ”
次次煮完嘢食個頭有陣油煙味，或者打完邊爐嗰陣我都會噴幾吓，陣味有少少甜好girlish，噴2~3吓已經夠cover晒啲異味，每次一噴完我男朋友就會捉住我個頭瘋狂聞，真係好香！保濕修護效果我覺得都唔錯，噴完頭髮係會多咗潤澤感，摸落軟身好多，但係又唔會話覺得笠。雖然咁講，但係講到護髮方面，呢支噴髮香水只可以做輔助，唔想頭髮乾就乖乖哋勤做hair mask同搽髮尾油啦，呢支spray我真係拎嚟當頭髮香水用，保濕效果都係當bonus。畀5分係因為佢淨係賣6x蚊，真係拎嚟狂噴都唔心痛！

Ma Cherie

Hair Fragrance

珍珠蜂蜜護髮香氛(免沖洗)
“ 唔怪得外國個個都讚呢隻lip mask，用過之後我冇咗佢唔得。我個嘴係一年四季都會乾到甩皮嗰隻，連夏天都要瘋狂補搽潤唇膏，搽少陣都會再甩過皮，呢隻lip mask我唔止瞓覺用，平時都會當潤唇膏咁搽。佢保濕力唔洗講一定高，連我呢啲咁乾嘅人搽完個嘴都keep到大半日唔乾，feel到佢唔係淨係舖層油喺個嘴上面，真係做到修護滋潤嘅效果。軟化效果方面都好好，就算個嘴乾到又硬又鞋，搽完佢一陣好快就會變返軟綿綿，死皮都好易自己甩出嚟，唔洗我特登用exfoliator，上唇妝之前敷定佢，之後嘅唇妝真係會上得貼服咗好多。最重要係綿花糖味好吸引，次次我都忍唔住係咁聞佢，唔小心舔到又唔會有咩chemical嘅苦味，而且個價錢真係好affordable吓，考慮到每次淨係需要用少少，其實一盒可以用好耐。呢盒lip mask一用晒我就會即刻補貨，唔洗諗！ ”
唔怪得外國個個都讚呢隻lip mask，用過之後我冇咗佢唔得。我個嘴係一年四季都會乾到甩皮嗰隻，連夏天都要瘋狂補搽潤唇膏，搽少陣都會再甩過皮，呢隻lip mask我唔止瞓覺用，平時都會當潤唇膏咁搽。佢保濕力唔洗講一定高，連我呢啲咁乾嘅人搽完個嘴都keep到大半日唔乾，feel到佢唔係淨係舖層油喺個嘴上面，真係做到修護滋潤嘅效果。軟化效果方面都好好，就算個嘴乾到又硬又鞋，搽完佢一陣好快就會變返軟綿綿，死皮都好易自己甩出嚟，唔洗我特登用exfoliator，上唇妝之前敷定佢，之後嘅唇妝真係會上得貼服咗好多。最重要係綿花糖味好吸引，次次我都忍唔住係咁聞佢，唔小心舔到又唔會有咩chemical嘅苦味，而且個價錢真係好affordable吓，考慮到每次淨係需要用少少，其實一盒可以用好耐。呢盒lip mask一用晒我就會即刻補貨，唔洗諗！

LANEIGE

Lip Sleeping Mask

水潤修護睡眠唇膜
“ 我都叫做用過唔同牌子嘅dry shampoo，唯獨是呢個牌子會用到我個頭好痕，痕到我寧願真係走去洗頭都唔想用佢。同埋佢粉狀比較粗，所以會好易喺頭髮上面留低一撻撻白色嘢，要摷好耐先摷得走佢。佢吸油力真係勁嘅，不過用完頭髮真係會乾到一個點，摸落又鞋又硬，做唔到自然蓬鬆嗰個效果，所以我嗰支淨係用過幾次就擺咗喺度冇用。呢2分係畀陣味，陣味幾香幾啱女仔用。 ”
我都叫做用過唔同牌子嘅dry shampoo，唯獨是呢個牌子會用到我個頭好痕，痕到我寧願真係走去洗頭都唔想用佢。同埋佢粉狀比較粗，所以會好易喺頭髮上面留低一撻撻白色嘢，要摷好耐先摷得走佢。佢吸油力真係勁嘅，不過用完頭髮真係會乾到一個點，摸落又鞋又硬，做唔到自然蓬鬆嗰個效果，所以我嗰支淨係用過幾次就擺咗喺度冇用。呢2分係畀陣味，陣味幾香幾啱女仔用。

Batiste

Dry Shampoo

頭髮乾洗噴霧
“ 我長年有濕疹，手手腳腳皮膚都係偏乾，呢隻軟膏用咗之後冇irritate到我痕。不過講到保濕力就普普通通，冬天用佢一定唔會夠，夏天用反而就啱啱好，不過個潤澤感都係keep唔到好耐，特別係夏天成日入冷氣房，手手腳腳好快又會乾返晒，而且日日keep住用都唔覺得皮膚有咩改善。我初頭都係aim住ceramide而用呢隻軟膏，濕疹人士同乾肌人士會好需要呢種成份，不過我另外網購買咗第2個牌子嘅body lotion都係含有ceramide，人哋嗰支就好用好多，保濕力keep到成日，而且日日keep住搽會見到啲濕疹開始平滑返冇咁鞋，皮膚都冇咁易敏感咗，人哋仲要係百幾蚊就大大枝搽足我半年。不過如果你係普通人，皮膚冇話特別乾，用Curel呢盒軟膏應該都好夠做，我自己膚質有特別需要所以唔啱用啫，公道啲睇其實Curel呢盒軟膏已經好過好多市面聲稱成份溫和嘅潤膚膏，只不過佢對我嚟講真係唔夠保濕同埋做唔到修復效果。 ”
我長年有濕疹，手手腳腳皮膚都係偏乾，呢隻軟膏用咗之後冇irritate到我痕。不過講到保濕力就普普通通，冬天用佢一定唔會夠，夏天用反而就啱啱好，不過個潤澤感都係keep唔到好耐，特別係夏天成日入冷氣房，手手腳腳好快又會乾返晒，而且日日keep住用都唔覺得皮膚有咩改善。我初頭都係aim住ceramide而用呢隻軟膏，濕疹人士同乾肌人士會好需要呢種成份，不過我另外網購買咗第2個牌子嘅body lotion都係含有ceramide，人哋嗰支就好用好多，保濕力keep到成日，而且日日keep住搽會見到啲濕疹開始平滑返冇咁鞋，皮膚都冇咁易敏感咗，人哋仲要係百幾蚊就大大枝搽足我半年。不過如果你係普通人，皮膚冇話特別乾，用Curel呢盒軟膏應該都好夠做，我自己膚質有特別需要所以唔啱用啫，公道啲睇其實Curel呢盒軟膏已經好過好多市面聲稱成份溫和嘅潤膚膏，只不過佢對我嚟講真係唔夠保濕同埋做唔到修復效果。

Curel

Intensive Moisture Care Moisture Balm

極致柔潤保濕身體軟膏
“ 我會畀2分係因為我同時都用緊另1個韓國牌子嘅暗瘡貼，對比之下呢隻暗瘡貼真係非常之唔好用。首先佢好厚，唔好諗住可以喺上面落concealer或者foundation遮，係絕對冇可能，而且佢係偏硬，唔係太flexible，鼻翼位鼻樑位係冇可能會黐得貼服，而且有時黐耐咗啲邊邊位會自己甩開咗，瞓覺之前黐嘅話有90%機會第二日起身會唔見咗張貼。題外話講吓，暗瘡貼本來就係只針對開放性暗瘡，即係你唧過佢或者佢已經出緊膿張暗瘡貼先會吸到嘢，如果係封閉性暗瘡（例如石頭瘡）你黐幾耐都冇用，不過曼秀雷敦呢隻暗瘡貼用落感覺特別容易留印，次次黐完粒暗瘡係就係扁咗，不過粒暗瘡會變到比平時更加紅更加黑，個印有排先褪得走，我用其他暗瘡貼都唔會咁，結果用咗幾張我就成包扔咗。 ”
我會畀2分係因為我同時都用緊另1個韓國牌子嘅暗瘡貼，對比之下呢隻暗瘡貼真係非常之唔好用。首先佢好厚，唔好諗住可以喺上面落concealer或者foundation遮，係絕對冇可能，而且佢係偏硬，唔係太flexible，鼻翼位鼻樑位係冇可能會黐得貼服，而且有時黐耐咗啲邊邊位會自己甩開咗，瞓覺之前黐嘅話有90%機會第二日起身會唔見咗張貼。題外話講吓，暗瘡貼本來就係只針對開放性暗瘡，即係你唧過佢或者佢已經出緊膿張暗瘡貼先會吸到嘢，如果係封閉性暗瘡（例如石頭瘡）你黐幾耐都冇用，不過曼秀雷敦呢隻暗瘡貼用落感覺特別容易留印，次次黐完粒暗瘡係就係扁咗，不過粒暗瘡會變到比平時更加紅更加黑，個印有排先褪得走，我用其他暗瘡貼都唔會咁，結果用咗幾張我就成包扔咗。

Mentholatum

Acnes Dressing Pad

抗菌痘痘貼
« 390 391 392 393 394 395 396 »