“
終於可以試到了! 早前朋友買左黎用, 問左佢好耐先可以借用一星期, 唔好以為一星期會無乜效果, 你錯啦.....首先我係一個兩個小朋友O既媽媽, 生小朋友後加上忙碌無時間做facial,膠原蛋白流失得好快,皮膚仲鬆弛添! 咁就問左好耐朋友先肯借佢依部Exideal-EX-280家用美容儀比我用一星期, 我見佢有好多個function, 真係心郁郁想試晒咁多個ga, 但眼見時間唔多, 與其分散投資不如集中火力試一個function啦! 咁我就試我最最最需要O既一號mode, for皮膚鬆弛同皺紋mode啦...
O係用之前朋友都有同我提過最好沖完涼趁毛孔未收細時即用, 但老實講要湊小朋友又點可以咁丫, 我唯有夜晚等小朋友訓晒, 洗完面用啦, mode 1係照八分鐘o既, 咁我一路照如果feel 到皮膚干干時就會加返少少爽膚水等皮膚無咁干啦, 其實照到3-4分鐘開始, 我已經feel到皮膚郁緊咁, 個感覺就好似噴完爽膚水O係塊面到之後, 空氣好快咁扯干水份咁, 但照O個時我好肯定面係唔干,囉, 我就知道應該係部機令到我D皮膚膠原蛋白增生啦....
如是者我盲照左一星期, 一星期之後發現皮膚firm左少少, 皺紋又少左, 如果我真係跟足過沖完涼即照, 我相信效果會更好; 而家部機剛剛還返比我朋友啦, 而我亦都準備買部返黎用, 唔知照一個月之後會唔會後生返D呢?
”
