z
Reviews Blog
Reviews

SK-II

PITERA™ Full Line Trial Kit

PITERA™體驗套裝
review-image
review-image
review-image
11+
今次有得試用SK-II的產品真係好開心! 當中包括最熱賣同出名的護膚精華 Facial Treatment Essence(神仙水)、R.N.A.立體緊緻精華霜 R.N.A.Power Radical New Age、淨肌護膚潔面乳 Facial Treatment Cleanser。 未必人人知，無論用咩牌子都好，護膚品都係成Set咁用係最好既! 即係話潔面、精華、面霜、眼霜都用同一個牌子的話，護膚品可以發揮最大的功效！ 宜家有得成Set咁試，就可以讓護膚品發揮最佳效果，試得清清楚楚! 分享一下各產品的使用方法及用後感： 淨肌護膚潔面乳 Facial Treatment Cleanser 使用方法： 濕臉後，擠約2-3厘米長份量的潔面乳於掌心，以水混和搓至起泡，再輕柔地潔淨臉部及頸部，然後以清水洗淨。 用後感： 擠出少許再加水搓已經可以起到好多泡，相信大家都知，幼細的泡泡可以深入清潔毛孔，為之後的護膚程序做好準備。最驚喜是使用後面仔變得滑滑，不會有”乾爭爭＂的感覺，又不會”油笠笠＂，面仔有彈滑的感覺。（超推介！） 護膚精華 Facial Treatment Essence (神仙水) 使用方法： 將化妝棉蘸透神仙水，再以化妝綿輕拍臉部及頸部約1分鐘。之後翻轉化妝棉的另一面，再重複拍勻臉及頸部1分鐘，直至完全吸收。 用後感： 神仙水，細細個就聽過呢個名啦！有人話受唔到佢陣米水味，而我自己就好鐘意嘞！而且用完之後可以擁有滑滑的面仔，好似做完輕磨皮一樣！如果用化妝綿輕拍完臉部及頸部後化妝棉仲濕濕地的話，可以用來敷一些重點部位，例如：T字位，有收細毛孔及平滑肌膚的功用。 R.N.A.立體緊緻精華霜 R.N.A.Power Radical New Age 使用方法： 取約1.5厘米直俓份量的精華面霜，以指尖點於前額、面頰及下巴處，再輕柔地將精華面霜從中間向外推開至全臉。 用後感： 精華霜質地清爽，不覺黏笠，夏天用亦非常適合，精華霜能鞏固自身的膠原蛋白，可以令肌膚變得更緊實、包滿，即係要從自身仍有足夠的膠原蛋白時開始用，可以對抗可見的初老徵兆！記住要從中間向外推開至全臉，先可以令肌膚向上提升架！ 額外分享： 我會推介大家用神仙水前先用化妝綿蘸透嫩膚清瑩露Facial Treatment Clear Lotion抹面，佢係一支質地清爽的爽膚水，有保濕及清除老化角質的功能，令神仙水吸收得更好！ 現在SK-II更推出PITERA™體驗套裝，當中包括： 護膚精華 Facial Treatment Essence 75ml R.N.A.立體緊緻精華霜 R.N.A.Power Radical New Age 15g 護膚潔面啫喱 Facial Treatment Cleansing Gel 15g 淨肌護膚潔面乳 Facial Treatment Cleanser 20g 這款新手入門體驗套裝包含美麗肌膚必不可缺的基礎護理四步曲，價錢只需$690!! 我仲知道，宜家買呢Set新手入門套裝，登記做會員，到你生日時仲會送多支護膚精華 (神仙水) Facial Treatment Essence 75ml比你！係咪勁抵先！唔係唔入貨呀?!

Urban Decay

Eyeshadow Primer Potion

眼影底霜
review-image
review-image
review-image
3+
一向化眼都只care眼影, 眼線同睫毛液三樣, 好少諗到眼影都要用底霜, 見到Urban Decay出咗隻眼影底霜, 好想知道佢有咩特別, 有幾好用!

Fancl

Mild Cleansing Oil

MCO 納米卸妝液
review-image
review-image
review-image
8+
Fancl的Cleansing Oil一向係我既最愛! 由讀書時期開始已經用梗! 中間試過其他牌子的Cleansing Oil, 但最後都一定係重投Fancl的懷抱! 點解要揀Cleansing Oil? 我覺得一個妝容最重要的是靈魂之窗 ---- 眼睛！對眼化得靚, 整個面容會唔同晒！屬於油眼既我一定要選用WATER PROOF的眼妝產品，如果唔係，一個上午就會變熊貓架啦!!>/\< WATER PROOF產品有好有唔好：好在LONG LASTING, 唔好在好難卸！ 當遇著難卸的化妝品，Cleansing Oil就係最好既幫手啦！=) Cleansing Oil點用? 有啲化妝新手都會用錯！用Cleansing Oil最重要既一刻就係加水乳化！所以將Cleansing Oil塗上面時一定要乾手（雙手唔可以濕過水），乾面！之後就打圈按摩，令化妝品溶解，溶咗大部分之後，再逐少逐少加入清水再按摩（乳化），你會明顯見到啲化妝品溶得好快，變返對細小的眼睛出黎！XD 之後再用清水或者潔面產品洗面就可以嘞！ 點解要揀Fancl Mild Cleansing Oil MCO 納米卸妝液? 1. 溶解力強！無論幾難落的化妝品，遇著佢都好快消失 2. 非常清爽！乳化得好，用完"油"都唔會有油冧冧既感覺(某啲牌子會油到出豆豆呢!) 3. 性價比高！$185就有120ml，大家有同樣效果，但某啲專櫃品牌就貴好多 試用分享： 我特登用咗出名難落既化妝品 Ｈ字頭睫毛膏，Ｍ字頭睫毛膏，遮暇膏，超強眉筆，３字頭眼線膠 經溶解，加水乳化，過水，化妝品完全消失 Fancl Mild Cleansing Oil MCO 納米卸妝液係我最推介既產品！

La Roche-Posay

UVidea XL Aqua Fresh Gel SPF50

水凝防曬隔離液
review-image
review-image
review-image
5+
邪惡既夏天黎到, 各位姊妹既好幫手一定係防曬產品! 我自己比較懶, 都係近年先開始努力做防曬工作! 一開始用防曬用品, 就發現原來市面大部分防曬産品都好油, 一向皮膚多油既我真係唔易搵到啱用既防曬産品! 今次試用La Roche-Posay既UVidea XL Aqua Fresh Gel SPF50(水凝防曬隔離液) 好有驚喜! 本來仲驚佢會好似其他牌子咁油淋淋, 但一擠落手, 推開, 發現佢好薄, 好易推, 仲有水潤既感覺, 唔會覺得皮膚比層油包住, 冇油笠笠既既感覺! 推開晒之後發現皮膚變得有光澤! 完全match佢個名 "Fresh Gel"!! 用完之後皮膚仲唔會泛白, 係咪要比10個推介先!!!

La Roche-Posay

UVidea XL BB Cream (01/02/03) SPF50/ PPD34/ PA++++

每日高效BB乳霜01/02/03
review-image
review-image
review-image
3+
一直都知道La Roche-Posay既保濕做得好好, 但今次真係第一次試用! 呢隻UVidea XL BB Cream(每日高效BB乳霜)好有驚喜! 我一直覺得BB Cream偏白, 好笠同好厚, 所以唔會係我平日既首選, 但La Roche-Posay既UVidea XL BB Cream就冇呢個問題, 一推開好水潤, 好薄, 唔會笠, 仲要唔會好白! 佢有三種色調:01色(亮白), 02色(自然), 03色(粉嫩), 估唔到01色都啱我呢種唔係雪白既膚色, 我諗好多香港女仔都會會啱用! (唔係個個都好似韓國女仔咁白呢!!) UVidea XL BB Cream質地比較乾爽, 上面後唔會笠痴痴, 唔洗再上碎粉都得! 絕對可以用黎做偽素顏妝!! 另外, 最正係佢有SPF50/ PPD34/ PA++++, SPF50 平日返工用夠晒! PA++++有成4個+, 防曬效果更佳!! 如果想係夏天搵隻快捷方便又保濕既底妝, La Roche-Posay UVidea XL BB Cream係不二之選! $290仲有30ml, 一個夏天都夠用! 正! 我覺得配合埋UVidea XL Aqua Fresh Gel SPF50(水凝防曬隔離液)黎用, 簡直係perfect!

fracora

Placenta Lift Cream

胎盤素全效面霜
review-image
review-image
review-image
3+
第一次寫試用分享請多多指教! :) 第一次試用Fracora的Placenta lift cream(胎盤素全效面霜) , 一聽個名就覺得好正! 係人都知用含有胎盤素成份既產品都對女人好好! Placenta lift cream成份包括胎盤素、膠原蛋白，透明質酸，縮氨酸，洋甘菊花朵提取物等，可以幫助深層修護皮膚，令皮膚回復彈性，keep住水潤透白! Placenta lift cream仲係一隻啱晒懶人用既面霜，佢係"全效面霜"，塗佢上面，等於一次過塗咗化妝水，精華，乳液，保濕霜，保濕mask等上面一樣! 實行一個步驟全面護膚! 去旅行帶埋Placenta lift cream，個喼就可以留多啲位黎放戰利品啦! 平時返工趕時間出門口用佢都好啱架! 另外，夏天黎到，混合性偏油肌膚既我就最怕日頭塗面霜，成日覺得油dup dup，但係用呢隻Placenta lift cream 就啱晒啦! 佢係乳液，質地較薄，塗上面好易推開，亦都好快吸收! 吸收後面仔變得滋潤得黎又帶點乾爽! 總之就唔會有黏笠感，春天夏天用啱晒! 佢仲要$199就有65g, 值得擁有! :)