Reviews Blog

Reviews

CeraVe

Hydrating Cleanser

溫和保濕潔膚露
review-image
review-image
review-image
1+
皮膚狀態成日反反覆覆，尤其秋冬季或者嚟月事，塊面就會好易敏感甩皮起疹泛紅，連洗面產品都會剌激到皮膚，後續用咩都會好敏感好嗱好吉。一直都聽朋友講醫學牌子CeraVe好好用，所以今次我就試用咗CeraVe 溫和保濕潔膚露，用完發現原來無泡配方嘅清潔力一啲都唔輸蝕，可以溫和清潔之餘仲唔會有掹掹緊嘅感覺，就好似搽完cream咁水潤。而且佢無添加任何香料，所以完全唔怕刺激過敏。加上ceramides 同透明質酸等成分，可以保護肌膚表皮屏障同長效保濕，即係溫和洗面同時護膚！樽身嘅泵位仲有鎖扣設計方便帶埋去旅行/staycation。用咗幾日本身敏感嘅皮膚已經得到舒緩，冇哂紅點同甩皮，好好用呀！

CeraVe

Moisturising Cream

長效滋潤修復霜
review-image
review-image
review-image
1+
因為皮膚敏感，用其他護膚品都好刺激甚至加劇咗敏感，但唔搽嘢又太乾，乾得滯又會好痕想生濕疹。好彩試用咗CeraVe長效滋潤修復膏，佢係無香料無酒精色素呢啲不必要成分，而且含有透明質酸同Ceramides，可以保濕同修復肌膚屏障，減少水分流失就唔會再乾敏。質地係白色cream狀，完全唔會黏厚，好容易推開，而且唔油笠，搽完即時feel到舒緩咗敏感嘅皮膚，之後keep住一直都好保濕，唔洗再添補。配合埋CeraVe 溫和保濕潔膚露用咗幾日，已經明顯擊退咗我嘅敏感泛紅甩皮起疹情況，令皮膚回復正常之餘仲keep到滋潤。

L'Oreal Paris

AGE PERFECT Nectar Royal Golden Supplement Light Cream

L'Oreal Paris 金致臻顏花蜜奢養輕盈面霜 (小蜜罐)
review-image
review-image
review-image
1+
?早幾日又凍又乾，我塊面多咗好多細紋，嘴邊下巴甩哂皮。可能因為25+皮膚狀態真係會走下坡，而且一直都因為驚吸收唔到而怕搽cream類保養品，搞到而家皮膚開始嗌救命，化妝更加係惡夢。。。 爬完文之後我決定試下「小蜜罐」L'Oreal Paris金致臻顏花蜜奢養輕盈面霜，見佢有天然修護成分麥盧卡花蜜，具有抗炎、抗菌、抗氧化等強化皮膚屏障嘅功效，仲有玻色因、四胜肽等嘅抗老成分，可以重塑膠原蛋白結構、合成更生、促進表皮同真皮緊密結合，提升皮膚嘅緊緻細膩度，一次過改善紋路問題同減少乾敏?聽落超級適合我！重點係佢CP值真係好高同埋口碑好好? 佢嘅質地係清爽水潤啫喱狀，搽上面吸收得好快，而且有附有小刮勺唔驚污染到未用嘅日霜，好貼心！試用咗十日左右皮膚明顯感覺比之前滋潤咗好多，望落都彈潤飽滿同緊緻咗，嘴邊下巴呢啲易乾敏位已經冇再甩皮啦！皮膚狀態好到成個人睇落都冇咁殘！用完日霜先上妝就唔洗擔心卡粉???推薦！

L'Oreal Paris

L'Oreal Paris Age Perfect Nectar Royal Golden Supplement Rich Cream

L'Oreal Paris 金致臻顏花蜜奢養滋潤面霜 (小蜜罐)
review-image
review-image
review-image
1+
因為唔想25+皮膚狀態繼續走下坡，所以要開始學習使用抗老成分嘅輕奢保養啦~ 用咗for日頭嘅「小蜜罐」輕盈面霜化妝唔再卡粉甩皮?所以就試埋for 夜晚嘅L'Oreal Paris 金致臻顏花蜜奢養滋潤面霜。佢都係蘊含抗炎、抗菌、抗氧化嘅麥盧卡花蜜同埋珍貴嘅抗生皇牌成分玻色因、四胜肽等，可以重塑膠原蛋白結構、修護滋養、補充水分，令皮膚重拾滋潤緊緻。同日霜一樣附有小刮勺，非常之貼心，唔洗擔心手指多菌掂到未用嘅晚霜。佢嘅質地比日霜更滋潤，油份更高適合晚間修護。而且同日霜一樣好易被皮膚吸收，用完即刻冇哂掹掹緊嘅感覺，補充番全日失去咗嘅水份，但又唔會黏笠！用咗十晚感覺到皮膚水潤咗，朝早起身唔會一臉油光，滋潤得嚟冇負擔。嘴邊下巴的乾敏甩皮好返哂，而且皮膚變得緊緻，幼紋都減少咗，果然抗老產品真係好緊要??????呢個CP值咁高嘅面霜值得回購！??‍♀️