m
Reviews Blog
Reviews

NAUNI

Double Repair Lifting Force Mask

雙重修護抗皺面膜
review-image
review-image
review-image
一踏入秋季，天氣就開始好乾燥。本身皮膚已經係偏乾性，所以喺秋冬季節我啲皮膚特別容易敏感甚至會甩皮！搞到化妝嗰陣整體妝效都唔夠貼服，同埋會令甩皮同啲細紋位好明顯，所以近排我都一直搵緊適合喺秋天用嘅面膜，今次就試下用左NAUNI雙重修護抗皺面膜。佢係made in Korea嘅，面膜入面含有多種肽&腺苷，可以緊致肌膚、抑制皮膚老化；改善同預防皺紋嘅同時亦防止面部皮膚鬆弛。面對秋天嘅乾燥最重要就係面膜嘅保濕能力，呢隻面膜有多種保濕嘅成份：例如維他命B5同泛醇等，可以將營養滲透到皮膚底層，令面部嘅肌膚恢復水嫩緊致，同時亦都可以撫平皺紋。 呢一個月喺需要化妝之前敷一敷，Feel到佢同之前我用嘅其他面膜最唔同就係佢嘅精華液明顯水潤好多，好貼合塊面！敷完之後塊面明顯補咗水咁，冇之前乾曾曾又難上妝嘅情況，可以話係對抗秋天乾燥天氣嘅救星！

Avène

Avene Hyaluron Activ B3 Serum

細胞激活緊緻精華
review-image
review-image
review-image
聽講Avène 細胞激活組合一齊用效果double加倍，針對性保養肌膚！所以除咗細胞激活水漾乳霜之外，我都試用左皇牌細胞激活緊緻精華。如果話水漾乳霜用完之後成塊面緊緻提亮左，咁緊緻精華就主要幫我對抗面部皺紋！佢成分內含維他命B3及高低分子透明質酸，有效抗氧化以至促進膠原蛋白自生。而且佢入面係94%天然成分，不含香料及動物源，敏感皮膚都可以放心用！用完兩星期之後feel到皮膚飽滿左，有返光澤，最重要係面上最近開始有嘅皺紋及細紋都明顯撫平，可以話係初老肌嘅救星！用嗰陣配合按摩手法使用更加有效，喺屋企都可以舒服又輕鬆咁保養。

Avène

Avene Hyaluron Activ B3 Cell Renewal Aqua Cream-In-Gel

細胞激活水漾乳霜
review-image
review-image
review-image
平時習慣咗成日夜訓，有時又懶得去保養，最近發現皮膚差左仲要多左啲細紋！最近見到有人推介Avène 細胞激活水漾乳霜～試用兩個幾禮拜之後，發現皮膚狀態有改善！唔只變滑返、仲有提亮飽滿嘅效果，最緊要係細紋都冇咁明顯。用嗰陣只要喺臨瞓前塗喺面同頸，當夜間sleeping mask用，第二日起身就可以有靚靚嘅肌膚狀態。而且佢係gel狀質地，清爽唔痴笠笠，好方便，啱晒我呢啲懶人用！

SOFINA

Primavista BOOST PRIMER FOR FOUNDATION

完美昇華持妝底霜
review-image
review-image
review-image
1+
要化一個靚靚妝容，首先就要將作為第一步嘅底妝打好～但係自己本身係混合肌，要搵啱粉底都有一定難度。試過用幾款唔同牌子嘅粉底，但化完妝之後兩、三個鐘就會有太乾燥浮粉嘅問題，出街又唔可以隨時補妝，都真係幾麻煩！呢排試用咗Sofina 完美昇華持妝底霜，喺上粉底之前先搽底霜，打好個底。佢注入左高貼服油分，令粉底自然融合同均勻咁緊貼肌膚；另外又加入皮脂固化粉體， 令粉底效果更加持久自然。底霜搽上手嗰陣質感同乳液差唔多，好滑好易推開，但係搽完又唔會油立立。用咗之後粉底冇咁容易甩，出街都可以keep住成個妝效！

Synergie Skin

SYNERGIE SKIN XCELL H

SYNERGIE SKIN 絲絨超能三重修護精華
review-image
review-image
review-image
Synergie Skin Xcell H 絲絨超能三重修護精華，之前已經有聽過依個牌子，今次終於有機會試用，覺得皮膚用完七日之後有明顯嘅變化，彈性多咗，亦都有返光澤，睇返先知原來係有三重修復嘅功效，深入肌膚淺、中、深層滋養細胞，好適合作為敏感肌膚長期患者嘅我，十分推薦～

CeraVe

Hydrating Cleanser

溫和保濕潔膚露
review-image
review-image
review-image
平時對沐浴露冇乜研究，但發現冬天用普通嘅沐浴露沖涼，沖完出嚟皮膚真係好乾燥，需要另外搽body lotion先補得返，於是今次就試用咗可以保濕嘅CeraVe潔膚露。佢含有Ceramides同透明質酸，可以溫和咁洗走污垢油脂，同時有效地做到清潔同保濕兩種功效，但又唔會干擾到皮膚自己本身嘅表皮屏障功能。用咗佢之後，feel到沖涼過完水皮膚都唔會乾到掹住咁，可以唔使特登再搽幾層lotion去保濕，好方便有用。

CeraVe

Moisturising Cream

長效滋潤修復霜
review-image
review-image
一到冬天最煩惱嘅一定係皮膚好乾燥，本身皮膚屬於容易敏感，平時我又懶得保養，最近發現手腕竟然有泛紅痕癢甚至甩皮嘅情況！平時有聽過CeraVe 呢個牌子幾好用，今次就試用咗佢嘅長效滋潤修復霜。睇介紹佢含有透明質酸同Ceramides成份，有助鎖緊水分，修復肌膚嘅表皮屏障同減少表皮水分流失，有效幫手緩解我皮膚乾燥引起嘅問題。另外佢冇添加香料，之前用其他cream嘅香味太濃，俾人一種喧賓奪主嘅感覺。今次用CeraVe呢隻修復霜就feel到冇搞花巧嘢，有效針對地解決皮膚問題，冬天用好啱。

Nivea

NIVEA CELLULAR EXPERT LIFT 3-ZONE LIFT SERUM

NIVEA細胞激活三區提拉緊緻精華
review-image
review-image
review-image
隨着年紀嘅增長，肌膚都會開始變老。尤其最近天氣凍、皮膚乾燥，啲細紋同凹凸位就更加明顯…今次就試用咗NIVEA 細胞激活三區提拉緊緻精華，佢含有植物界的 A 醇 - Bakuchiol成分 ，專門對抗細紋同平滑肌膚。另外又可以刺激肌膚的細胞活性化，幫助改善皮膚老化的問題 ！平時我啲皮膚都幾容易泛紅同痕癢，而呢支緊致精華成份溫和，用嗰陣都feel到唔會刺激皮膚。用完幾次之後見到法令紋呀魚尾紋呀等難攪嘅皮膚紋理都淡化咗，雙下巴都冇咁明顯！

fresh

Kombucha Facial Treatment Essence

紅茶酵素抗氧精華水
“ 我係乾性肌膚，平時揀護膚品都會注重保濕方面，我好鍾意用fresh既紅茶酵素抗氧精華水，比平時d爽膚水更保濕，到而家用左佢三個星期，面對轉季天氣，皮膚都好穩定，精華水另外仲有深層抗氧功效，唔知係咪因為加強左後續護膚品吸收，皮膚都明亮左! ”

Davines

Davines OI CONDITIONER

Davines 東方美人護髮素
review-image
review-image
「Davines」東方美人護髮 OI CONDITIONER 嘅香味同樣好天然又清新，原來係因為佢加入左亞馬遜原產植物蘿蔻中提取的油同埋杏黃油，對滋養頭髮特別有效果！之前用嘅護髮素用完之後總會有一種沖唔乾淨、油膩嘅感覺，但OI CONDITIONER 就唔會，沖洗後清爽得來又feel到頭髮柔軟飽滿同亮澤左！

Davines

Davines OI SHAMPOO

Davines 東方美人洗髮乳
review-image
review-image
自認髮質都算難搞，所以頭髮護理一向都係自己關注嘅一大重點。以前已經有聽講過「Davines」呢個牌子，今次就終於有機會試吓佢哋嘅東方美人洗髮乳OI Shampoo同護髮OI Conditioner。洗髮乳性質溫和，用後明顯感受到頭髮順滑左，冇咗以前洗完頭太乾燥或者頭髮打結嘅情況。而且佢香氣持久、天然好聞，洗完頭之後keep住香噴噴！以後亦都會考慮繼續使用「Davines」嘅產品。