L
Reviews Blog

Reviews

ALBION

Skin Conditioner Essential Paper Mask E

爽膚精萃液面膜
“ 對愛濕敷健康水的我黎講非常方便 XD 呢款面膜就真係健康水倒落面膜紙一樣。但性價比黎講我寧願自己買健康水倒落化妝棉濕敷，因為面膜雖然有滿滿健康水，但我都敷唔到太耐，敷4-6分鐘左右會覺得清爽舒服，敷太耐(10分鐘以上)反而會開始有少少熱同紅，面膜覺得有d浪費左d健康水。我會用滲透乳按摩完再用，建議夏天使用，用完好涼爽好舒服。 ”

ALBION

Albion Exage White Pure White Milk II

清新煥白滲透乳 II (保濕型)
“ 用完塊面即時覺得飽滿有彈力，用左1個月美白效果唔太覺但係皮膚係亮左。我夏天混合T字小油面頰中性，II號乳液幾岩用。個人係幾鍾意同享受成個保養流程，跟返品牌教學用化妝棉係面上輕輕打圈按摩直至吸收、輕拍化妝水或者健康水上面再加白神水或者其他精華面霜。但只可以晚上用，朝早趕時間無辦法慢慢搞咁多野XD 另外香味算幾重，對香料、味道敏感的人要注意。 ”

Shiseido

Future Solution Universal Defense E SPF50+ PA++++

晶鑽修護抗禦防曬霜
“ 本身對Shiseido 防曬都好有信心，呢款質地滋潤冬天用唔會覺得乾。但係戴口罩摩擦到好容易起白泥，想掃走d白泥反而會再搓出新的。。。特別返工出去食晏除低口罩時成面都係白色粒粒比人見到真係好尷尬 T.T 已經試過配唔同護膚品、減少護膚步驟或者用少d，但係情況都係差唔多，要用得咁小心翼翼真係好煩。之前其他地方睇過唔少好評都想買，好彩係買其他野送既15ml 裝，唔岩用都唔會肉赤，除非唔使再戴口罩，否則用完唔會回購了。建議想買的最好先搵d試用裝試一試係咪適合自己先。 ”