Y
Reviews Blog

Reviews

RMK

Lip Jelly Gloss

幻彩啫喱唇彩
最鐘意就係佢呢個透明嘅包裝，好靚，而且夠唒修長好易收藏。啫喱狀嘅佢搽上嘴蠟蠟令好靚好好睇，再加上啲閃粉做點綴咁，成個妝好突出但又唔誇張，而且持久水潤，成日抿個嘴都仲好滋潤又唔甩色

SOFINA

Primavista Multi Cover Base UV SPF 20 PA++

3合1完美遮蓋底霜SPF 20 PA++
多數啲底霜都只係得遮暇作用，但呢隻夠唒勁！佢做到妝前調色嘅作用，令到塊面唔會一撻撻唔同色，可以平衡膚色；另外佢又可以遮暇，雀斑紅印暗瘡乜都遮到，仲要透薄唔厚粉；佢仲可以美白提亮，令到妝容更有光澤，更靚?

YSL

Long Last Eyeliner

持久眼線筆
一支好嘅眼線筆足以令您對眼瞬間大咗，烱烱有神咗，而呢支正正就係極品！佢筆頭柔軟好易上色，隻色都好實唔會太淺，又持久唔會捽兩捽就甩，又唔會比淚水或汗水溶解

ILIA

Vivid Concealer

會試呢隻遮暇膏最主要都係因為知道佢唔傷皮膚，仲可以有效對抗細菌，唔怕生青春痘，令我化妝都放心啲。所以用完呢隻遮暇膏真係冇焗到我爆瘡，可惜嘅係佢遮暇能力唔夠高，我有啲好深嘅暗瘡印都只係遮得麻麻

NARS

Bronzing Powder

修容陰影粉
畫陰影對我嚟講係全個妝最重要最不可忽視嘅一個步驟，亦係我成個化妝過程最興奮最享受嘅一個環節，因為化完真係令我塊大餅臉縮水！所以好用嘅陰影產品又點少得呢隻，佢嘅粉好幼細，搽上去好貼服又唔乾，搽一層已經效果突出

Kanebo

Lunasol Modeling Glossy Eyes

透輝淨化眼影組合
一盒眼影入面有四隻色呀，有深有淺，有冷色系又有暖色系，啱唒做漸變對比，玩唔同場合嘅妝容。佢亦有兩個掃提供，有尖頭嘅亦有闊扁型嘅，啱唒畫眉頭眼角位都唔怕一唔小心大力咗會畫出界?

NARS

The Multiple

多功能彩妝膏
真係超級鐘意呢個產品，一嚟佢係筆型好易揸手好易控制好易用，二嚟係拎佢嚟做胭脂又得，打光影陰影都得，一筆三用? 佢啲閃粉唔會好誇張，反而會令到個人更有活力更好睇。佢搽完唔會乾唔會浮粉，絕對可以放心使用

Shu Uemura

Eyebrow Manicure

染眉膏
呢隻畫眉產品就最啱我呢啲手殘新手，而眉毛又淺色又稀疏嘅人。佢個掃型好易用，輕輕擦一擦再梳一梳已經好上色同埋塑造到個眉型，佢啲眉液都唔會一撻撻黐住咁，反而啱啱好填補唒啲空缺，望落去好自然兼有神

Kanebo

LUNASOL Seamless Concealing Compact

光澤無瑕遮瑕膏
一直都覺得要完美遮暇就點都要用到兩隻色嘅遮暇膏去配合先得，所以呢款一盒有齊深淺兩隻色嘅遮暇膏就最好不過喇！因為我本身啲暗瘡印好紅，所以一定要用深色遮暇膏先得，但遮完又會一撻撻，所以要用返淺色嘅再搽一層喺面先中和得返

Kanebo

LUNASOL Lip Shadow Liner N

LUNASOL 柔美持久唇線筆
好開心呢款唇線筆可以有粉紅色同珊瑚色揀，咁就可以同自己啲唇彩配搭，融合到成個妝容，玩到層次感，亦睇落更精神? 佢兩隻筆頭都好好用，好滑好易上色，個掃都好易推開

Bicelle

R-OX Total White Serum

淨白亮膚精華
之前母親節就買咗呢個組合裝送比媽媽，希望可以幫佢啲皮膚抗氧化，肌膚睇落可以年輕啲。而且佢又雀斑多，所以就更加諗住用呢支精華幫佢去印美白，令皮膚重拾光澤。雖則效果真係要用差唔多半年先突出

Bicelle

Bio-Cellulose Hydrating Mask

3D抗氧補濕面膜
因為優惠裝所以就試到佢嘅皇牌面膜，果然係一分錢一分貨，真係同一般嘅面膜好唔同。佢塊面膜夠唒大而且剪裁又貼心，可以完全好貼服咁覆蓋到我咁大塊面。精華量又好足，敷完都感覺到好滋潤飽滿