Reviews Blog

Reviews

Physiogel

Daily Defence Protect Day Cream Light

輕柔保濕日霜SPF15
雖然我本身自己就幾中意physiogel佢地既產品，但係呢支相較佢既晚霜，我就覺得呢支一般啦。首先佢係算清爽型既保濕產品，我會稍微覺得保濕度唔算好足夠，另外呢因為佢有防曬，防曬始終對皮膚都唔係咁好，所以我會覺得對於皮膚既健康我就覺得呢個日霜一般般。

L'Occitane

ARLÉSIENNE Velvet Hand Cream

亞爾女神柔滑潤手霜
本身L'OCCITANE既 潤手霜已經好出名好多人買，呢個女神系列既潤手霜更加係香得黎而且好滋潤。因為入面有乳木果加上玫瑰既，所以手部皮膚感覺上即刻潤曬。

Kanebo

Lunasol Nail Finish N

晶炫甲油N
Kanebo呢個指甲油好吸引係D顏色，點解咁講呢？因為其實呢堆顏色都相當自然，唔會過於浮誇。另外呢因為佢地呢個牌子啲指甲油乾得快但唔會話好易刮花，正啊

Calvin Klein

Obsessed For Women Eau De Toilette Spray

對於香水嘛我真係無咩太大研究，第一關係味道要淡，呢個香水其實都唔算好嗆鼻。不過我自己就覺得呢個香水味道比較複雜，唔係好小清新既味道，適合25歲以上用。

Physiogel

Daily Defence Replenishing Night Cream

賦活保濕晚霜
佢呢個系列既保濕面霜有分日霜同晚霜既。日霜就有防曬，呢個晚上就相較之下比較保濕力強，滋潤啲。好明顯用晚霜係比起日霜既鎖水力好好多，基本上第二朝中依然覺得自己塊面係水潤既。

PAUL & JOE BEAUTE

Gel Blush

水凝啫喱胭脂霜
超級無敵可愛既包裝啊！夏日系列既感覺啊！呢個胭脂既顏色唔算話好誇張，用手指上就最好啦，因為佢唔係粉狀質地，用指腹輕按會好自然！我會好順便咁用埋加少少係眼度，當一個好淡好淡既眼影。

The History of Whoo

Cheongidan Double Radiant Base

天氣丹華炫光澤精華底霜
撇除天氣丹這幾個字感覺挺搞笑以外（我笑了很久），這個底霜可是相當好用的哦！這個底霜很流質，好輕薄，兩三下就推開得好均勻。而且呢佢因為有折射光線既功效，所以光澤感同埋修飾面部既瑕疵都好唔錯。

Physiogel

Calming Relief Face Cream

抗敏紓緩面霜
我呢支舒緩面霜係比乾燥皮膚用個支，質地上比較稠，厚身啲，滋潤度好高但都好容易吸收。對於我有敏感泛紅既皮膚用左幾次好明顯就有舒緩左！值得去嘗試啊！

Chloe

Love Story Eau Sensuelle

愛情故事日落巴黎淡香精
唔知係我因為個包裝既緣故定係純粹心理作用，真係聞呢個香水有一種係河邊望緊日落既感覺·...我自己一直對花香味就無咩好感，但係呢個加入左稱呼啊，感覺上更加清新，舒爽，都幾舒服既味道。

SOFINA

Alblanc Medicated Cleansing Gel

潤白美肌卸妝o者喱
用呢支卸妝啫喱卸妝真係好掂！佢基本上睫毛膏眼線都可以清潔得到!用手輕輕按摩，唔需要大力擦拭就可以咁乾淨！（無得彈！）另外呢佢用完之後感覺上皮膚唔會好乾燥而係有種滋潤既感覺！

The Body Shop

Drops of Youth Bouncy Sleeping Mask

植物幹細胞活肌睡眠面膜
The body shop睡眠面膜我覺得好好用。我首先用效果來講嘅話用完第二日皮膚真係修復到健康左，而且因為佢係睡眠面膜唔洗要惦記住洗啊定係敷幾耐。最正係佢完全唔會黏枕頭！

Innisfree

Green Tea Seed Cream

綠茶籽精萃水份精華面霜
佢呢個綠茶籽嘅精華面霜嘅質地，唔會話好厚身，屬於清爽型嘅保濕面霜。佢基本上係日常用嘅面霜，唔會係冬天啊或者係修護型既。質地唔算好稠，容易推開吸收既。