一盒10支Dermastir精華, 5支Ampoules EGF Oligo Peptide 表皮生長因安瓶精華, 5支Ampoules Vitamin C維他命C安瓶精華, 個包裝冇寫2款精華有咩成份, 只係寫左使用方法, 咁我呢排都比較乾, 乾到額角起左暗粒, 又唧又搽去角質既野都未好曬, 咁我希望快D reset 番好D皮膚, 於是就用 intensive programme, 3日用曬1支, 6日總共用左6ml, 只係夜晚用.
以往用玻璃既 ampoule 都係1ml既, 呢支有3ml, 所以配有個軟膠蓋可以封番支精華, 但係呢個Ampoules EGF Oligo Peptide 表皮生長因安瓶精華並唔係稀稀水水果種質地, 有少少 gel gel 地, 個膠套開口咁細係好難倒出黎用, 用力唧個軟膠套又會飛出黎, 個包裝完全唔合格!
從透明樽身所見Ampoules EGF Oligo Peptide 表皮生長因安瓶精華係粉紅色既, 唧出黎有香味, 由於冇寫, 唔知咩成分帶有粉紅色, 咩成分有香味, 用緊呢6日皮膚仍然紅同乾, 咁我唔肯定係佢出事定係自己本身都敏感加上轉天氣, 不過好彩就唔係好嚴重. 呢個精華唧出黎gel gel地, 吸收度一般, 不過我一次搽1ml咁多都唔算lup, 但一定唔係清爽果種, 通常細胞更新,修復,抗衰老果D精華都會比較滋潤, 呢個精華搽完6日唔覺得有明顯改善, 淨番果3支我諗等我皮膚正常番時再試下.
