s
Reviews Blog

Reviews

fresh

Rose Deep Hydrating Face Serum

玫瑰深層保濕精華
“

用完玫瑰保濕精華後佢即時為我嘅皮膚營造一個保濕肌理，打好底子令護膚品更易吸收。維持皮膚健康循環，提升透明肌加速修護能力，回復皮膚光亮度。用了短短幾日發覺皮膚乾燥甩皮地方續漸好轉，提升咗水分去走暗黃粗糙，喚醒疲倦皮膚。保濕精華其中一個功效能夠促進血液循環，將新鮮的氧氣和養分帶入皮膚血管，提供滋潤保護使老化細胞代謝，推動吸收鎖水。精華保濕因子解決繃緊感覺。上妝前搽上令我啲粉更加貼面，佢質地清爽不含油份，就算搽多咗都唔驚會阻塞毛孔。

”

Anna Sui

Moisturizing Foundation Primer SPF18 PA++

魔法肌密保濕飾顏乳
“ 肌膚由內透出零毛孔的透明感，持久貼服長時間不脫妝。水油平有效遮掩色斑，調節光影亮度，塑造立體小顏。減低T-zone泛油，平滑暗啞疲倦皮膚。防油防汗功能保持整天清爽。坊如裸妝效果，只要輕塗碎粉，就能塑造3D立體輪廓。沒有粘膩感用完之後反而覺得濕潤柔軟，長時間鎖水功效防止脫妝，就算再重覆補妝，個妝都唔會一達達，好乾淨。 ”

Clinique

Lash Power Lengthening Mascara

魔法翹長睫毛液
“ 擦頭沾出睫毛液份量均勻，不會形成結塊或黏在一起。效果做到分明層次，同時翹曲濃密，脆弱短小睫毛都能夠照顧到。能有效整頓雜亂睫毛，令睫毛排列整齊塑造扇形效果。提升睫毛延展力，加厚濃密讓睫毛更細緻精巧。防油配方解決眨眼泛油間題，濃黑色澤打造大眼。最鐘意自然效果俾人更真感覺，完全融入本身 睫毛，像真度極天然立體。擦頭設計完善，先濃密後拉長，防水抵抗力強，試過落水後都沒有暈化。 ”

Shu Uemura

Whitefficient UV under base brightening mousse SPF30 PA++

亮白精華泡沫底霜SPF30 PA++
“ 亮白精華泡沫底霜SPF30 PA++，因為輕身浮動，比起一般粉狀底霜更容易貼緊皮膚。尤於粒子太小，搽上面後形成一塊完整薄膜，皮膚望落去更完整，一致色澤融入原有膚色。做到零毛孔般細緻，只需用海綿輕輕一抹，抹走暗啞粗糙，加強皮膚透光感，唔需要太多時間巳經可以做到美白護膚、防曬吸油、防止溶化、持久鎖水。鐘意佢易用，仲可以隔走污染物，啲毛孔望落去幼細咗，皮膚緊緻美白，深入底層擊退斑點。泡沫狀含水量較高，塗於眼部附近都唔會引起乾紋，仲可以令到眼袋無咁明顯。成個人更飽滿光澤，塗上面感覺輕貼，似有還無感覺令到妝容較水盈，減少出油機會，締造細滑美肌。 ”

SOFINA

Jenne Jelly Moisturizer

水凝啫喱乳液
“ 缺水皮膚除咗令到皮膚暗啞同產生乾紋外，更令到皮膚變得脆弱，响環境轉變下就更容易產生暗瘡同粉刺。削弱皮膚抵抗能力，增加發炎次數，週而復始，引起難退色素。尤其係生理週期前，我啲暗瘡谷到又紅又腫，長期困擾住我。最難解決就係內油外乾，但係用咗呢隻面霜後，皮膚基礎得到修護，皮層強靱咗，舒緩紅腫發炎皮膚，等皮膚可以好好休息，復原健康肌紋，鞏固儲水能力，將有害物質排走。減低皮膚受損機會，從而回復彈性。由於佢嘅質地注滿水份，無論任何皮膚都適用，尤其而家乾燥大風，水份容易流失，我建議用佢前替面部作輕輕按摩，再取出適當份量按壓於面上，加快皮膚吸收。用完之後，你會覺得皮膚緊緻咗，無咁容易敏感，連毛孔都縮細咗。 ”

SOFINA

Primavista Moisture Coat Base SPF15 PA++

修護保濕精華底霜
“ 修護保濕精華底霜減輕我泛紅皮膚，上妝時候粉底較有效展示皮膚原有顏色。底霜減輕我用粉底份量，個妝就無咁厚同比較自然。highlight咗面部光影，提升鼻翼及眼部附近位置光感，微微色調將色斑隱退，塑造健康質感。用佢之前又無需額外使用保濕精華，因為皮膚太濕上完粉之後就覺得有油立感，我較喜歡啞緻妝容。 ”

SOFINA

Primavista Powder Foundation SPF25．PA++

Primavista 柔滑持久防曬粉餅
“ 粉底除咗有調色加強面部輪廓作用外，我覺得粉底質地要好似護膚品不傷膚質，帶有清新自然感。有好多粉底新用時候都沒有多大問題，但係用得耐啲顏色開始氧化，搽完覺得好面黃。但係巳經用咗一段時間柔亮持久粉餅，粉餅顏色仍然有光澤感，粉抹保持優良質素，啲粉唔會黐埋一齊。用咗咁多次都仍然咁柔滑。 ”

Dove

Intense Damage Therapy Conditioner

深層受損修護護髮素
“ 每日都要束起頭髮返工；到放工嘅時候啲頭髮梳極都唔貼；飛飛吓。髮質都差咗；又易斷。所以我鐘意用呢隻優質護髮素；洗完頭我會抹走多餘水份，再塗上護髮素；讓佢停留响髮端兩分鐘；再沖洗。然後用風筒吹乾；頭髮即時鬆軟順服；回復彈性健康；係快速見效產品。 ”