銀色通花盒好精緻，好有仙氣，好似藝術品咁，就算用晒啲眼影都唔會捨得dum。買嗰陣一直猶豫大地色定紫色系好，兩款都好靚，最終揀咗有玫瑰粉紅、紫羅蘭色嗰款，女人味重啲，6隻色單獨用或任意配搭，都可以襯到唔同場合同衣著，眼影粉質細緻，且相當顯色，色澤亦好飽滿。我最鍾意佢跟盒個掃，一啲都唔拮，一邊係山羊毛，一邊係貂毛，掃上眼自然又舒服。