雖然防曬度數只得SPF15，對於礦物粉嚟講其實係可以接受，因為用礦物粉嘅人係鐘意透薄輕盈感覺，唔想太厚粉。搽完護膚品我會輕掃一層响面用嚟隔走污垢及控油。因為熱天油份較多，啲油溝埋啲粉就好容易有暗粒。呢隻粉透氣得嚟既清爽，佢有少少啞色效果，可以令塊面無油光。毛孔望落去無咁礙眼，如果塊面唔需要遮瑕，其實薄薄一層就可以。補妝時候用面油紙印開，再掃一次膚色即時提升，均勻暗啞膚質。佢唔會令到有暗粒地方發炎，唔會愈用愈乾，撫平乾燥幼紋，啲粉唔會食落啲紋度，可以拉平虎口位置。顏色自然不會令皮膚過白，脫粉情况並不嚴重，似有還無感覺修正擴張毛孔，最適合喜歡自然妝女士。
