呢隻make up base本身有美白效果，帶點光影色澤可以均勻調較膚色，防曬度數充足。比起一般妝前底霜佢更似乳液，搽上面之後軟化皮膚，提升潔白感。如果唔想化妝，搽完佢之後加一層碎粉乾淨雅緻。着重透明度，唔會用死實實顏色遮蓋膚色，反而利用珍珠光澤密度去投射健康色彩，成份保濕温和。雖然有SPF35PA+++度數，但係一啲都唔立，最鐘意佢有美白防曬功效，阻隔咗粉底色素，避免色素沉澱令膚色泛黃。防曬沒有化學味道，沿用品牌護膚氣味，淡花香氣份外清雅。淨白光采複合物仲做到預防斑點，防曬能力不錯，經過一整日膚色仍然啞緻。因為佢有美白成份，所以用响眼框周圍，眼圈都被淡化，多元化功能令我唔需要搽太多額外產品，夏天就最啱用。
