好鍾意呢款柔亮多效面霜個名〝hope in a jar〞！因為我成日乾到甩皮嘅面真係見到希望>u<

我最怕就係痴笠笠，所以平時寧願用好多層精華都唔想用面霜，所以成日都搞到塊面甩晒皮。
直至見到呢款柔亮多效面霜，成份有透明質酸保濕補水，而且仲有高純度乙醇酸可以溫和咁去角質，同埋促進表皮更新。最重要嘅係─質地居然唔會笠痴痴，更加唔會好似啫喱面霜咁化妝嗰時搞到成面擦膠碎。
我用完一排真係冇再甩皮，而且皮膚仲柔軟同光澤左，絕對係一款性價比超高嘅面霜！