Crema Nera Extrema Supreme Reviving Serum
黑曜石礦物極致再生修護精華

呢隻product今年新出，在counter試時覺得質地滋潤但唔厚，功效又多所以就買左。入冬之後我覺得香港今年冬天比起往年多左好乾燥既日子，而呢支serum響呢d日子就見真章!

深秋開始我夜晚轉用loreal revital lift隻 cream，本身loreal隻cream功效一般只係做好保濕呢個功能，買左呢個serum後都繼續用loreal而無轉其他product，所以幾睇到呢支serum的效果。隻serum幾易推幾易吸收，我覺得用左1星期後膚色明亮左均勻左，泛紅情況都少左(而家朝早上完foundation唔駛好似以前咁遮鼻翼d泛紅了)，細緻d，滑左，亦無d乾既感覺。雖然天氣乾但皮膚睇落仲亮澤過秋天。

我平時朝早toner後只搽sofina防晒，呢排紅色火災warning實在頂唔順，於是朝早都用呢隻serum。用完我覺得化完妝都睇得出有唔同! 皮膚光滑，成日都唔會覺得乾，唔油唔乾個妝都無點甩，keep得好好。

如果唔睇價錢，呢支真係大愛，但呢個價真係好貴! 我估用完呢支後，我會到下年冬天果幾個月先再考慮會唔會再買。