我買左02色..初初我全面既瑕疵包括黑眼圈, 暗蒼/暗蒼印, 鼻翼既紅印..都用佢黎遮. 但好快就發覺太乾. 唔係話佢唔好用. 由於佢係比較乾身..相對亦無咁容易溶/脫妝. 我既經驗係..
1. 黑眼圈
用boi-ing實死. 因為真係乾咁咩眼紋都走哂出黎. 而且會一粒粒咁好唔自然.
黑眼圈用erase paste 就fit哂. 因為濕啲貼啲. 不過就容易溶..要不時補妝.

2. 暗瘡/暗瘡印
通常有暗瘡都會脫皮. 我自己覺得用erase paste 遮大大粒既暗瘡會好啲..起碼唔會到下晝乾到脫皮一個個白色圈咁..就算有少少都印下可以遮番.
如果係暗瘡印..即係粒暗瘡已經退哂平哂..留低一個"洪"..用boi-ing就perfect. 遮得好好.

3. 鼻翼紅印
我覺得都遮得唔錯. 係有時皮膚差左..有幾條粉刺會飛左出黎(個人問題)..咁我會溝少少erase paste用.

總括黎講都算合格. 只係用法不夠全面. 不過其實唔洗太擔心乾既問題..用起適當既地方就可以喇.