Australian Wild Plum & Willow Facial Cleanser
澳洲野梅及柳蘭草本潔膚乳

前排因為壓力太大令到自己身體唔好, 暗瘡出得好勁, 出到成面都係, 又紅又腫, 有D仲開始有印添!好多人都話有暗瘡要用茶樹油嘅產品, 但我用左之後唔單止冇有改善, 反而仲留左印添!喺nest beauty見到支野梅及柳蘭草本潔膚乳, 支野$299, 都唔平, 不過PN呢個brand係organic嘅, 而且佢喺美國都係數一數二嘅大牌子, 咁就買支黎試下啦.

佢唔係洗面奶/GEL, 而係似水狀, 因為入面冇SLS(化學起泡濟), 所以洗出黎唔多泡, 但都洗得好乾淨, 唔會話好難推開, 而且洗完都唔會話好似其實for油性皮膚嘅洗面產品咁有好乾好緊嘅感覺, feel都佢唔係夾硬洗走哂d面油, 而真係針對性咁只洗走多餘油脂, 唔會令到你因為乾水而出更多面油.

用左一個星期左右, d暗瘡開始慢慢少, 紅腫嘅地方都開始變淡色左, 冇咁腫. 到依家用左1個月啦, d暗瘡已經好得7788, 腫左嘅地方已經平哂, 只係得返本身果少少暗瘡印, 不過都已經淡色左好多, 都再冇咩新暗瘡出, 真係見到有效果, 雖然$299對一個學生黎講都唔平, 不過係work嘅真係唔介意俾多少少錢去換返靚靚嘅皮膚!