woohoo 又再次收到she.com既試用，今次既產品就係Benefit air patrol 眼部防護底霜。包裝一如以往好有benefit 既風格，好美式好classic。先試上手，佢水感既質地令我好驚喜，因為我本黎冇諗過個質地係咁，以為會係比較杰身既。佢有保濕同防曬功能，其實眼睛都好需要防曬，大家千萬唔好忽略左呢點。平時用concealer 好容易乾，用左佢之後我覺得乾紋冇咁明顯。呢個係第二個驚喜位。用小小點上眼之後印開佢就ok，一支哈哈實有排用。佢既價錢都好合理，$280一支。最後一個驚喜位係我自己本身皮膚比較偏黃，初初一塗上手見到咁淺色，心諗塗上眼會唔會有好大色差架，陣間整到對眼好浮好腫咪大獲，點知印開之後，一D都唔覺有色差，真係幾唔錯丫，同我類近膚色既sis都唔駛擔心。黎緊秋冬喇，如果sis唔想爆晒d乾紋出黎，呢個benefit既air patrol真係可以試下。