雖然今年特殊時期，比往年去少咗旅行去少咗戶外，但係香港就算九月尾嘅而家太陽?都仲係超毒辣。想減少曬黑冬天繼續白白滑滑，除咗keep住用防曬之外，平日護膚都唔可以缺少美白產品㗎。
今次試用嘅係日本開架品牌～LITS幹細胞美白針 (我收到嘅係體驗裝0.5g，貨裝12g) 。
雖然係開架品牌，但LITS好受日本妹歡迎，我記得第一次知道呢個品牌係睇台灣kevin老師的日本必買產品介紹，而家飛唔到日本，係香港都可以買到行貨??
LITS幹細胞美白針成分一啲都唔惹少，蘊含植物幹細胞萃取、傅明酸、LanachrysTM，可以集中重點淡化及預防黑斑和雀斑，好多專櫃品牌都未必有咁正嘅成分啊。
體驗裝0.5g都幾多，我呢個大餅臉搽完全臉都仲有剩可以搽埋脖子。
佢嘅質地唔係一般大家熟知嘅精華液質地，反而有啲似gel cream，搽完個下都要比啲時間佢吸收先唔會覺得有層嘢係面。
我自己皮膚都容易泛紅同敏感，有時用太刺激嘅美白成分會感到刺痛同紅腫，但LITS幹細胞美白針就完全無呢個問題，so far個用後感都係舒服嘅。我會keep住用，如果覺得ok就去入手枝貨裝試試?