之前係卓悅減價時，買左Sunplay冰涼清爽防曬乳液，係日版SPF50+PA++++，同港版常見既SPF75 PA+++有小小唔同。不過夏天用SPF50+PA++++我覺得都已經好足夠。

Sunplay冰涼清爽防曬乳液適用於面部及全身。佢蘊含Watery Liquid水劑配方，輕柔幼滑，亦蘊含Solarex-3新一代超級防曬系統含透明質酸及Rona Care Ectoin等成分，防曬同時防乾、防老化。

質地呈乳液狀，但偏水，好容易可以推開搽係皮膚上。無色素，唔會令皮膚變白。使用後感覺清爽，唔覺得黏膩！

佢蘊含清涼薄荷成份，話可以係炎熱高溫下保持肌膚冰涼舒爽，但其實只係係搽個陣feel到薄荷味既冰涼感，之後就feel唔到啦，所以搽個陣要避開眼，否則會辣到眼。