多謝she.com, 我又一次抽中試用, 今次試Make Up For Ever超高清無瑕粉底液 #117, 個人覺得偏黃, 但粉底顏色可以溝, 所以又無問題。

不過公平起見, 試嘅時候只係用呢隻粉底, 呢排涼涼地, 天氣唔算乾, 所以無出油, 流汗, 所以test嘅主要係持久同遮瑕。

持久度, 基本上只要唔出汗, 就可以last到好耐, 返工化妝8點幾, 夜晚大概11點幾落妝, 未出現浮粉情況, 全日無補妝。但可能戴眼鏡, 鼻托位置有少少脫妝。

遮瑕度, 個人唔係暗瘡滿面, 但整體塊面暗啞, 黃黃地, 基本上化妝後都係精神樣, 無咁沉。效果還可以，但感覺上同Revlon枝Nearly Naked功效差唔多, 但可能我真係無咩紅印, 難試出真正功效。

用法：shu泡沫base > Make Up For Ever超高清無瑕粉底液 > 眼影, 眉粉, 眼線液 > 1028傳明酸亮透美白粉餅 (掃上, 定妝用) > done