呢款面霜係我覺得驚嘆而性價比極高嘅產品，一年四季都啱用，而且佢不含酒精同香料，連濕疹同敏感嘅皮膚都用得。
對於夏天嘅護膚品，我嘅要求係做到保濕而不油膩，呢款面霜完全達到要求，而夏天亦早晚適用。
佢嘅質地細滑易推，容易吸收而唔會帶來任何嘅黏笠感覺。
- 由於晚上我會開冷氣，所以每晚我都會於臨訓前使用爽膚水後，以打圈方式於面同頸塗上大約1蚊份量嘅修復面霜，打圈上完我會再用雙手以按壓方式令面霜加快吸收。經過一晚直吹次氣嘅皮膚第二朝起身依然水嫩唔會乾燥，補濕效果一流。
- 最近皮膚好差，生左少少暗瘡，紅腫嘅位置我會以面霜遮哂去厚敷5-10分鐘再推開，敷完會明顯見到紅腫嘅位置會消腫，同時會快D凋謝。
-而早上我會清潔面部後，用上爽膚水再同樣以先打圈後按壓方式塗上強效保濕修復面霜，不過份我只會用上大約5毫子份量，然後等大約5-10分鐘再以平常化妝方式上妝。
用咗強效保濕修復面霜後化妝，會見到妝容更貼服，而且無咁易出現浮粉嘅情況。
- 另外，由於呢排雙手經常用上消毒酒精，所以出現極乾燥同甩皮嘅情況，所以我每晚除咗於面上用上強效保濕修復面霜，亦會當佢handcream咁厚搽一層直至完全吸收，到第二朝雙手就會變返「一條好漢」。