我屋企有嗰支係#01 Red Queen嚟，本身好驚呢隻shade會死紅，點知上到嘴個妝感我又好鐘意，係一種好似蘋果咁偏warm undertone嘅紅色嚟，跟足佢個方法搽睇落會好有透明感，好似水晶蘋果咁。呢支唇彩有Gel同Emulsion兩個筆頭，Gel嗰邊就係超pigmented嘅Lip Tint嚟，點一點落個嘴blend開已經好夠色，持久度都唔差，單用都冇問題；Emulsion嗰邊就係粉紅色嘅唇彩嚟，我自己好建議兩隻一齊用，因為出嚟真係好有層次感。我自己本身係一年四季個嘴都會狂甩皮嘅人嚟，但係都覺得佢唔乾，再加上Emulsion好有滋潤感，雖然Emulsion嗰邊未話long lasting到可以令個嘴成日都唔乾，但係平時出吓街都已經夠晒做。最後係我覺得呢個價錢好reasonable，所以畀滿分。