雖然話係Hand & Body Cream，但係我都係用嚟搽手多，因為咁細支如果用嚟搽晒全身應該一個禮拜就會用晒。咁一盒入面有四種口味，我目前淨係開咗支Ambre Vanille嚟用，首先陣味一搽開你會覺得超甜，真係好似甜品啱啱新鮮出爐咁甜，好彩等多陣dry down佢陣味會淡咗好多，變咗一種好warm好柔和嘅微甜云呢嗱味，呢陣味都幾治癒吓我都幾鐘意聞。咁講到個texture佢係偏厚少少，不過又未到油膩嗰種，優點係好滋潤，親膚度超高，絕對唔會留一層油喺皮膚上面搞到你覺得隻手痴笠笠，亦都冇任何殘留感，當佢吸收晒之後你會覺得隻手真係軟滑咗好多，啲細紋都冇咁明顯咗。不過因為佢偏厚少少，所以都要返少少時間吸收。用量方面我每次大概要唧2cm嚟用，天氣再乾少少可能會唧到3cm，我諗一支應該都用到一排嘅。Overall嚟講呢支cream滋潤得嚟真係唔笠，我覺得春天同秋天都好啱用，夏天就要視乎情況啦。