我本身係油眼人嚟，超驚用啲太滋潤嘅眼部產品會搞到隻眼又笠又瘋狂生油脂粒，呢隻雖然係eye cream不過texture唔會太厚重，亦都唔會過份油膩，每次搽少少薄薄哋一層已經好夠做，吸收都算快而且好易推開，陣味都好清香吓。我覺得呢隻eye cream好neutral，佢算係夾咗喺清爽同滋潤中間，以我combo to oily skin嚟講咩季節搽都冇乜問題，so far眼底都冇生過油脂粒，亦都見到眼部周圍係firm咗彈咗，我本身隻眼好易水腫，搽咗佢2個月已經見到眼部周圍收晒腫同埋平滑咗，眼尾同眼底啲細紋都有撫平到，雖然笑嗰陣都仲會見到啲紋，但係已經冇咁顯眼。我最鐘意係佢好貼膚好易吸收，唔會覺得眼底有層油喺度唔舒服。我自己用呢隻eye cream嗰陣會有個beauty hack，就係每次用手指上面搽淨咗嘅eye cream由上而下咁掃落睫毛度，記住係由上面掃落去，咁先唔會整到入眼，呢個方法用耐咗會feel到眼睫毛生得密咗長咗，希望呢個beauty hack會幫到你。