佢個texture係偏厚偏滋潤嘅凝膠質地，都需要少少時間畀佢乾，如果唔係會有種痴笠笠嘅感覺，所以唔建議搽完之後即刻瞓覺，廢事搞到枕頭污糟晒，我覺得你預瞓覺之前20分鐘搽定就差唔多，佢乾咗之後會melt into your skin，所以都冇乜殘留感。咁秋冬嗰陣我啲皮膚真係乾過撒哈拉沙漠，所以呢隻sleeping mask我係當面霜咁用，有時講緊可能12~14個鐘之後先洗都冇話會生粒粒或者敏感，呢點值得讚，同埋佢嘅鎖水能力都真係幾好，我平時用啲笠到痴線嘅oil based面霜都係過半日就會乾晒，轉咗用呢隻sleeping mask之後塊臉差唔多成日都可以keep住平滑彈手，上妝都貼咗好多。至於緊緻方面我覺得都有效果，不過唔算係太突出，10分入面有6分咁上下。