高濃度精華防曬乳液分有水潤型及豐潤型，而水潤型感覺不黏膩，質感較清爽。
早上使用精華活膚露後，取約直徑1.5cm 份量於面上均勻塗抹。
但對我黎講，如果只係搽精華活膚露再搽精華防曬乳液，感覺會較乾，因而會於塗抹時出現唔均勻嘅情況，
所以我會於精華活膚露後，先以高浸透保濕精華霜打底，再搽精華防曬乳液，效果會好好多！

高濃度精華防曬乳液為白色 Creamy 狀，十分易推，能瞬間被皮膚吸收，面部即時變得幼滑粉嫩，
完全無黏膩既感覺。淡淡既花香味，感覺清新！

牙膏裝設計，用前唔使搖暈，夠方便！
防曬度由 SPF24 PA+++ 提升至 SPF30 PA+++，全物理防曬配方二氧化鈦 (Titanium Dioxide) 及
氧化鋅 (Zinc Oxide)，不含紫外線吸收劑，為肌膚提供更全面嘅防曬保護。

一支兼具防曬，抗老化，化妝底霜功能，大大省卻護膚時間同簡化護膚程序，
慳時間之餘仲可以減輕肌膚負擔！

以宜家秋涼嘅天氣黎講，呢支水潤型嘅高濃度精華防曬乳液滋潤度稍為遜色，單獨使用嘅話，
略嫌未能提供足夠嘅滋潤度，要配合保濕霜 / 乳液打底！比較適合夏天使用。