最討厭香港又濕又熱既天氣，一到下午油脂塵污就同化妝品痴埋一齊，平時幾勤力洗面就總係覺得灰灰黃黃，洗唔乾淨咁 最近就物色到一款完美既深層清潔用品～好多荷里活明星都大推既 GLAMGLOW SUPERMUD 超級發光面膜！被譽為肌膚急救神器既佢到底有幾勁？就趁住我又多粉刺同痘痘既時候啦！GLAMGLOW SUPERMUD係一款泥狀mask，我洗完臉之後就查上一層，感覺有少少涼浸浸好舒服，然後等5分鐘左右佢就開始乾，仲會見到鼻翼、下巴、額頭呢啲多油脂黑頭既地方會浮起一粒粒，應該係吸緊啲污糟野出黎！跟住過多5分鐘，我見乾晒就去洗面，洗完之後皮膚明顯白左同有光澤（難怪叫發光面膜haha）其實感覺乾乾地，始終佢係deep clean mask，但係摸落皮膚滑嘟嘟，毛孔都收細左，最重要係啲粉刺浮左出黎！我用濕化妝棉輕輕一抹，就見到抹甩左好多污糟野！佢缺點係有啲乾，但係以一星期一次既深層清潔mask黎講，唔夠保濕其實影響唔大，分分鐘仲影響清潔能力添！淨係敷左一次GLAMGLOW面膜，就feel到皮膚前所未有咁乾淨，咁既價錢但有美容院既做機效果，性價比極高～希望keep住用可以同黑頭暗瘡講bye bye，養成好似荷里活明星既發光肌啦haha