GLAMGLOW呢個牌子，係我心愛品牌之一。之前用保濕內緊緻系列都覺得好好用。
而正值雨季又焗又熱嘅夏天，毛孔同皮膚狀態都易被油脂阻塞，黑頭粉刺問題亦同時變得比冬天嚴重。
所以今會用GLAMGLOW大熱之一嘅白罐GLAMGLOW SUPERMUD 超級發光面膜。試一試產品當中嘅活性竹炭係咪真係可以 500 倍吸走油脂汚垢。

GLAMGLOW每個產品隨左有內在，亦有外在美。今次係六角型嘅白色小罐。

一打開密封包裝嘅白罐，會見到黑漆漆嘅”黑泥” 。
洗乾淨塊面，就塗上厚厚一層將毛孔完全覆蓋嘅超級發光面膜。
等待10分鐘:面膜已乾，變成淺灰色同時見到黑頭粉刺高危嘅鼻翼同下巴位置汚垢被面膜吸左出黎，形成點點嘅狀態(密集恐懼呀，快D洗左去) 。

以清水輕力地打圈洗面後，暗黃面色變得亮白，緊緻而清爽。
黑頭粉刺問題被完全解決，毛孔乾淨到發光。
超級發光面膜唔同坊間嘅深層清潔，平時用深層清潔，常會遇到皮膚水份被抽乾問題，但超級發光面膜做到深層潔淨外，肌膚唔會變得乾燥。

果然係毛孔吸塵機，相信每個星期用一至兩次SUPERMUD 超級發光面膜，皮膚必定可以維持一直乾淨到發光嘅狀態啦!