2020 抗疫年，令我最唔習慣嘅，並唔係日日要戴住個口罩做人，而係要我以素顏示人。為咗皮膚好，我放棄咗化妝。

本身臉色偏黃，膚色不均勻，為咗望落啲皮膚白淨啲，我試過成塊面用 tone-up cream。係會白淨咗，但同時成塊面都會好似好油咁。

今次試用 LANEIGE RADIAN-C CREAM，用前最令我好期待嘅兩點就係用後令膚色均勻，同埋淡化色斑。

先說說使用 7 日前後張相。實在冇辦法控制環境因素；7日前陰天，7日後陽光譜照，相片色差問題嘅問題因此產生。所以請大家用整體去睇，咁樣睇就會比較客觀。

7 日用後感：
1）膚質細緻度：睇睇鼻頭嘅皮膚，滑咗好多！毛孔細緻咗好多！

2）美白度大增：無論係日光定燈光底下、日頭定晚上影，點影都影到皮膚白淨咗好多！

3）膚色均勻度：眼下及嘴邊嘅皮膚好咗好多，變得冇咁敏感，冇晒泛紅，所以塊面整體望落冇咁大色差。

4）自然光澤：呢種光澤係肌膚健康自然咁散發出嚟，同搽 tone-up cream、化妝 highlight 嗰種望落油膩嘅感覺係完全冇得比嘅！

5）緊緻度： 面珠望落冇咁 dum，jawline 都收緊咗。本身塊面易浮腫，而家有返個輪廓。

6）彈性：呢個我自己嘅觸感啦，其實望落塊面都飽滿咗（飽滿同肥咗係唔同嘅哈）、飽滿啲個人望落冇咁憔悴。

7）淡化色斑：眼下少少啲斑的確係淡咗，左眼下更加係肉眼都唔覺有。右眼下都好咗好多，不過本身太頑強，要繼續用落去！至於官方講嘅肌底色素，呢個冇儀器睇，不過如果面嗰層都有咁大改善，底嗰層都唔會差。

8）整體膚質好太多：整體膚質冇咁容易敏感，成個感覺係健康咗，所以先會有以上所講嘅健康光澤感同膚色均勻咗。

一盒面霜，短短 7 日就能夠為你帶嚟 8 大好處，遠勝過廣告所提及嘅好，效果的確係比我預期嘅好太多啦！

最後講講件產品本身。
1）質地：偏厚，不過又唔算話好?。官方教用精華>RADIAN-C>睡眠面膜，呢個我夜晚會咁搽。日頭我就會 skip 精華，爽膚水之後就直接用面霜，咁會冇咁?。

2）吸收：雖然佢個質地偏厚身，不過佢吸收得好快，所以搽上面先唔會咁?黐黐。

3）滋潤度：我本身大乾肌，呢隻面霜竟然單用都夠滋潤，可以 skip 精華，實在係好適合夏天唔想搽咁多嘢喺塊面嘅日子。

4）香味：超級鍾意！日日聞住呢種我形容為香橙嘅味，心情好好，亦好有夏日嘅感覺！

5）專利科技：Radian-C Super Blend™ 及 Melasolv™。到底是甚麼，我也不太懂。沒關係，用完睇得到、摸得到嘅好比較重要，遠勝過一切。

而家我敢大大聲講一句：「素顏我可以！」而家雖然右眼下仲有啲色斑，但就已經同我上咗底妝、仲未搽遮瑕嘅樣係一樣！

LANEIGE 產品嘅 target group 一般都係 20-30 代嘅女性，完全冇諗過 40 代嘅我都啱用喎！滿心期待連續使用一個月，皮膚變得會比而家可以好幾多！