美容產品呢個世界之大，總係有各國唔同嘅品牌可以畀你慢慢去發掘！來自法國嘅品牌 FILORGA，說實在本人孤陋寡聞，之前聞所未聞。試用前都要小心確應佢嘅來頭，發現 Lady Gaga 都愛用此品牌嘅產品，咁我都即刻安心試用。

前幾日，即使做足防曬措施 (搽防曬﹑防曬粉底﹑擔遮......)，我發現呢排啲膚色同面上嘅色斑都深色咗 :( 兩包淡斑精華試用裝，當然份量唔足以試到畀你睇啲色斑淡咗﹑面色均勻咗，但係能夠認識到呢個品牌﹑試到佢嘅 quality 之後，我覺得我會自購一支！原因如下：

1) 一見到佢係 cream，我好驚，因為我搽嘅精華類嘅產品都係水水的。一見係 cream 狀嘅嘢，夏天真係唔想搽，怕｢立｣。但係 FILORGA 呢隻淡斑精華竟然係一啲都唔｢立｣，好 surprised！
2) 唔｢立｣嘅原因好簡單，就係佢容易被皮膚吸收！之前一直用嘅精華，搽完塊面都唔吸收，所以試用完 FILORGA，用開嘅精華即時被比下去了！
3) 我唔鍾意搽上皮膚嘅嘢有太多唔天然嘅香味 (最近買咗支 G 牌洗面膏，陣 sakura 味簡直令我想死！)，FILORGA 呢隻淡斑精華有陣淡淡嘅香味，令我聞起上嚟覺得好舒服﹑好天然！
4) 對我最最最重要嘅一點就係，皮膚敏感如我，搽咗上面都冇任何敏感反應，讚！

急不及待等到我每個月嘅 shopping day (即刻出糧日 XD) ，等我第一時間敗支返屋企！！！今個月努力工作嘅目標，加油呀 :)