用過咁多種指甲油呢隻真係算快乾，同埋佢個texture比較薄身，流動性比較高，所以好易控制個用量同埋搽嘅範圍。持久度都好高，就算成日做家務同埋大大力R痕都唔會點甩到一岩一忽，同埋我好鐘意就算搽住076S成個禮拜，手指甲都冇話會變黃，呢隻shade都幾深吓正常嚟講點都會食到少少入指甲，但係我搽完係一啲事都冇。一般使用嚟講基本上搽2個layers已經好夠色，同埋我好鐘意佢個finish出到嚟好有透明感，類似gel甲嘅感覺，所以就算你搽啲大紅大紫嘅shades睇落都唔會話太實色，搽nude色系嘅睇落仲會更加自然。